আৱাজ-দ্য ভইছ ব্যুৰো
আমি পুনৰ আপোনালোকৰ বাবে ‘দ্য চেঞ্জমেকাৰছ’ৰ দ্বিতীয় শৃংখলাটি লৈ আহিছো। এইবাৰৰ এই শৃংখলাত আছে উত্তৰ-পূর্বাঞ্চল সেইসকল লোকৰ কাহিনী, যিসকলৰ বিষয়ে হয়তু খুব কম মানুহে শুনিছে৷ কিছুমান কাহিনী ইমানেই প্ৰেৰণাদায়ক যে পঢ়িলে হয়তু আপুনিও স্তম্ভিত হৈ ৰব।
সোমবাৰৰ পৰা আৰম্ভ কৰি আগন্তুক দহ দিনলৈ আমি প্ৰতিদিনে এটাকৈ আপোনালোকৰ বাবে উত্তৰ-পূবৰ সেই মুছলমান বীৰসকলৰ কাহিনী লৈ আহিম, যিসকলে সমাজত ইতিবাচক পৰিৱৰ্তন আনিবলৈ সাহসেৰে ব্যতিক্ৰমী পদক্ষেপ গ্ৰহণ কৰি কাম কৰি আছে।
আবিদ আজাদ
আবিদ আজাদ
বেংকত চাকৰি কৰা এজন পেছাদাৰী যুৱক, যিয়ে অফিচৰ আৰামদায়ক চকীত বহি থকাৰ সলনি ভোকাতুৰৰ পেটৰ ভোক দূৰ কৰিবলৈ অসমৰ বিভিন্ন ঠাই ঘূৰি ফুৰে। ক'ভিড-১৯ মহামাৰী আৰু তাৰ ফলস্বৰূপে সৃষ্টি হোৱা লকডাউনৰ সময়ৰে পৰা আবিদ আজাদে ৰাজপথ, চিকিৎসালয় আৰু আন স্থানত থকা আৰ্তজনক খাদ্য যোগান ধৰি আহিছে।
গুৱাহাটী চিকিৎসা মহাবিদ্যালয় আৰু চিকিৎসালয়ৰ চৌহদত সন্ধিয়া আৰু মাজনিশা আবিদে বিতৰণ কৰা বিনামূলীয়া খাদ্যসমূহ মুছলমানৰ বাবে ইফতাৰ আৰু চেহেৰী আৰু হিন্দু আৰু অন্যান্য ধৰ্মৰ লোকসকলৰ বাবে সুস্বাদু খাদ্যৰ যোগানকাৰী হৈ পৰিছে।
আহমেদ আলী
জন্মস্থান আৰু ইয়াৰ আশে-পাশে কেইবাখনো বিদ্যালয় নিৰ্মাণ কৰা অসমৰ অশিক্ষিত ৰিক্সাচালক আহমেদ আলীৰ উপস্থিতিয়ে চলিত বৰ্ষৰ ২৬ জানুৱাৰীত নতুন দিল্লীত অনুষ্ঠিত গণৰাজ্য দিৱস উদযাপনত সকলোৰে দৃষ্টি আকৰ্ষণ কৰিছিল। সমাজৰ প্ৰতি কৰা অসাধাৰণ সেৱাৰ বাবে ভাৰত চৰকাৰে তেওঁক বিশেষ অতিথি হিচাপে আমন্ত্ৰণ জনাইছিল। ল’ৰা-ছোৱালীক স্কুললৈ যাবলৈ উৎসাহিত কৰিবলৈ তেওঁ নিজৰ উপাৰ্জনৰ পৰা শিক্ষানুষ্ঠান গঢ়ি তুলিছে।
আহমেদ আলী
প্ৰধানমন্ত্ৰী নৰেন্দ্ৰ মোদীয়ে তেওঁৰ মাহেকীয়া ৰেডিঅ’ অনুষ্ঠান ‘মন কি বাত’ত উজনি অসমৰ শ্ৰীভূমি জিলাৰ এখন গ্ৰাম্য গাঁৱৰ বাসিন্দা আহমেদ আলীৰ কথা উল্লেখ কৰিছিল। আহমেদ আলীয়ে ৰিক্সা চলাই উপাৰ্জন কৰি পৰিয়াল পোহপাল দি উজনি অসমত ৯খন বিদ্যালয় স্থাপন কৰে। দৰিদ্ৰতাৰ বাবে আহমেদ আলী পঢ়া-শুনা নোহোৱাকৈয়ে থাকিল, কিন্তু তেওঁ নিশ্চিত কৰিব বিচাৰিছিল যে, তেওঁৰ সমাজৰ কোনোৱেই নিৰক্ষৰ হৈ থাকিব নালাগে।
নজৰুল হক
শেহতীয়াকৈ মীন পালন আৰু কৰ্মসংস্থাপন সৃষ্টিৰ ক্ষেত্ৰত তেওঁৰ অনবদ্য সাফল্যৰ বাবে ৰাজ্য চৰকাৰে সন্মানীয় অসম গৌৰৱ বঁটাৰে সন্মানিত কৰিছে। মাত্ৰ ১০ হাজাৰ টকাৰে উদ্যোগী যাত্ৰা আৰম্ভ কৰা হকে সফলতাৰে অসংখ্য প্ৰত্যাহ্বান অতিক্ৰম কৰি এতিয়া একাধিক মীন পালনৰ মালিক।
নজৰুল হক
জলজ কৃষিৰ প্ৰতি তেওঁৰ নিষ্ঠাই অসমৰ মীন খণ্ডৰ বৃদ্ধিত অৰিহণা যোগোৱাই নহয়, শ শ নিবনুৱা যুৱক-যুৱতীক চাকৰিৰ সুযোগো প্ৰদান কৰিছে।
নবাব আলী
কিংবদন্তি ক্ৰিকেটাৰ শচীন তেণ্ডুলকাৰৰ বিখ্যাত প্ৰশিক্ষক প্ৰয়াত ৰমাকান্ত আচৰেকাৰে যিদৰে ক্ৰিকেট কিংবদন্তিৰ পুত্ৰ অৰ্জুনক প্ৰশিক্ষণ প্ৰদানৰ সৌভাগ্য লাভ কৰিছিল, ঠিক তেনেকৈয়ে অসমৰ আচৰেকাৰখ্যাত নবাব আলীয়ে অসমৰ প্ৰাক্তন অধিনায়ক পৰাগ দাসৰ লগতে তেওঁৰ পুত্ৰ ৰিয়ান পৰাগকো গঢ় দিয়াৰ সৌভাগ্য অৰ্জন কৰিছিল। ৰিয়ান পৰাগ হৈছে অসমৰ পৰা টিম ইণ্ডিয়াত স্থান পোৱা প্ৰথমজন ক্ৰিকেটাৰ।
নবাব আলী
ক্ৰিকেট মহলত সকলোৱে মৰমেৰে নবাবদা বুলি মতা নবাব আলীয়ে হয়তো তেওঁৰ চমু ক্ৰিকেট কেৰিয়াৰত বেছি শতক অথবা অৰ্ধশতক অৰ্জন কৰিব পৰা নাছিল, কিন্তু অসমৰ লগতে দেশৰ ক্ৰিকেট ক্ষেত্ৰখনত তেওঁ উপহাৰ দিয়া গুণগত ক্ৰিকেটাৰৰ সংখ্যাৰ ক্ষেত্ৰত তেওঁ নিশ্চিতভাৱে শতকতকৈ অধিক সফলতা অৰ্জন কৰিবলৈ সক্ষম হৈছে।
ডাঃ মুস্তাফা এ বৰভূঞা
উজনি অসমৰ হাইলাকান্দি জিলাৰ এখন দুৰ্গম গাঁৱৰ পৰা অহা ডাঃ মুস্তাফা এ বৰভূঞাক পেথ’লজীৰ শীৰ্ষ ১০০ জন প্ৰভাৱশালী ব্যক্তিৰ ভিতৰত বিশেষভাৱে এই বছৰৰ বাবে আমেৰিকাৰ শীৰ্ষ ২০ জন পেথ’লজীৰ নায়কৰ ভিতৰত অন্যতম হিচাপে নিৰ্বাচিত কৰা হৈছে।
ডাঃ মুস্তাফা এ বৰভূঞা
ছাইদুল্লাহ নংৰুম
তেওঁ হৈছে খাচী মুছলমানসকলৰ কণ্ঠ আৰু মেঘালয়ৰ সম্প্ৰদায়সমূহৰ মাজৰ এখন সেতুঁ। নংৰুমে ভাৰতৰ একমাত্ৰ কাঁচৰ মছজিদ মদীনা মছজিদ নিৰ্মাণৰ কামত আগভাগ লৈছিল। শ্বিলঙত অৱস্থিত এই সুন্দৰ গাঠনিটো কেৱল এক আৰাধনাস্থলীয়ে নহয়, ইয়াত ইছলামিক শিক্ষণ কেন্দ্ৰ, অভাৱগ্ৰস্ত শিশুৰ বাবে বিদ্যালয় আৰু বিজ্ঞান, কলা, প্ৰযুক্তিৰ আধুনিক সুবিধা থকা উচ্চ শিক্ষা মহাবিদ্যালয়ো আছে।
ছাইদুল্লাহ নংৰুম
এই মছজিদটো ভাৰতৰ একমাত্ৰ কাঁচৰ মছজিদ আৰু এছিয়াৰ প্ৰথমটো কাঁচৰ মছজিদ। ই ভাৰতক কাঁচৰ মছজিদ নিৰ্মাণ কৰা তৃতীয়খন দেশ হিচাপে পৰিগণিত কৰিছে।
আৰ্শ্বেল আখতাৰ
আৰ্শ্বেল আখতাৰে মূলসুঁতিৰ আখ্যান সলনি কৰি গুৱাহাটীবাসীৰ বাবে চাইকেল চলোৱাক অগ্ৰাধিকাৰ দিব বিচাৰিছে। আই টি শিক্ষা, চফটৱেৰ ডেভেলপমেণ্ট, বেংকিং আৰু শ্বেয়াৰ ইনভেষ্টিঙৰ দৰে বিভিন্ন ক্ষেত্ৰত কাম কৰাৰ পৰা আৰম্ভ কৰি ২০১৮ চনত গুৱাহাটীৰ প্ৰথমজন ‘চাইকেল মেয়ৰ’ হিচাপে নিযুক্তি লাভ কৰা আৰ্শ্বেলে আজিও তেওঁৰ অলাভজনক সংস্থা পেডেল ফৰ এ চেঞ্জ (Pedal for a Change) আৰু দ্য গ্ৰীণ লেন ফাউণ্ডেশ্যন (The Green Lane Foundation)ৰ জৰিয়তে নগৰীয়া জীৱনৰ সমস্যা সমাধানৰ প্ৰচেষ্টা অব্যাহত ৰাখিছে।
আৰ্শ্বেল আখতাৰ
আখতাৰে গুৱাহাটীৰ চাইকেল কাউন্সিলাৰ নামেৰে সক্ৰিয় নাগৰিক গোট এটা গঠন কৰিছে, যিয়ে একেলগে কাম কৰি চাইকেল চলোৱাক সমাজৰ সকলো শ্ৰেণীৰ মাজত এক নিৰাপদ, সুলভ আৰু আকাংক্ষিত পৰিবহণ পদ্ধতি হিচাপে গঢ়ি তুলিব।
নাহিদ আফ্ৰিন
২০১৫ চনৰ ইণ্ডিয়ান আইডল জুনিয়ৰত দ্বিতীয় ৰানাৰ্ছ আপ হোৱাৰ সময়তে তেওঁ প্ৰথম খ্যাতি লাভ কৰিছিল। ইয়াৰ পিছত ২০১৬ চনত সোণাক্ষী সিনহাই মুখ্য চৰিত্ৰত অভিনয় কৰা “আকিৰা” ছবিৰ জৰিয়তে বলীউডত প্লেবেক গায়িকা হিচাপে আত্মপ্ৰকাশ কৰে।
নাহিদ আফ্ৰিন
২০২৪ চনত নাহিদ আফ্ৰিনে তেওঁৰ কেৰিয়াৰৰ এক উল্লেখযোগ্য মাইলৰ খুঁটি হিচাপে ইউনিচেফ ইণ্ডিয়াৰ যুৱ অধিবক্তা হিচাপে নিযুক্তি লাভ কৰে। ইউনিচেফে ৰাষ্ট্ৰদূত হিচাপে নিৰ্বাচিত কৰা বলীউডৰ জনপ্ৰিয় অভিনেত্ৰী কৰীনা কাপুৰ-খানৰ সৈতে নাহিদে আন তিনিগৰাকী যুৱ অধিবক্তাৰ সৈতে একেলগে কাম কৰি আছে।
মৌলানা নুৰুল আমিন কাছিমী
যি সময়ত সমাজত ইছলাম সম্পৰ্কে বহু ভুল ধাৰণা আছে, সেই সময়ত মৌলানা নুৰুল আমিন কাছিমীয়ে ইছলামৰ নীতি আৰু আদৰ্শ স্পষ্টকৈ বুজাই সেইবোৰ দূৰ কৰাৰ চেষ্টা কৰিছে। তেওঁ ব্যতিক্ৰমী চিন্তাৰে সঠিক ৰূপত ইছলাম ধৰ্ম প্ৰচাৰ কৰি আহিছে।
মৌলানা নুৰুল আমিন কাছিমী
ডাঃ আনৱৰুদ্দিন চৌধুৰী
অসম চৰকাৰৰ আয়ুক্ত আৰু সচিব হিচাপে অৱসৰ লোৱা ড০ আনোৱাৰুদ্দিন চৌধুৰীয়ে “The Birdman of Assam” উপনাম লাভ কৰিছে। উত্তৰ-পূৰ্বাঞ্চলৰ ৰাজ্যসমূহৰ চৰাইৰ ওপৰত গ্ৰন্থ ৰচনা কৰা অসমৰ ভিতৰতে তেওঁ প্ৰথম।
তেওঁৰ অধ্যয়নে অঞ্চলটোৰ বিভিন্ন প্ৰজাতিৰ চৰাইৰ সংৰক্ষণ আৰু সজাগতাত অৰিহণা যোগাইছে। তেওঁ ২৮খন গ্ৰন্থ, ৫০খন কাৰিকৰী প্ৰতিবেদন, ৯০০ৰো অধিক প্ৰবন্ধ আৰু বৈজ্ঞানিক গৱেষণা পত্ৰৰ লেখক।
ড০ আনোৱাৰুদ্দিন চৌধুৰী
৬৩ বছৰীয়া চৌধুৰীয়ে ২০০৩ চনত দেওহাঁহ (white-winged wood duck)ক ৰাজ্যিক চৰাই হিচাপে ঘোষণা কৰাত আৰু ইয়াক সুৰক্ষিত কৰাত গুৰুত্বপূৰ্ণ ভূমিকা পালন কৰিছিল।
