নতুন দিল্লী
আমেৰিকা-ইৰানৰ যুদ্ধৰ ফলত বিশ্বৰ অৰ্থনীতিত ব্যাপক প্ৰভাৱ পৰিছে। বিভিন্ন দেশে ইয়াৰ প্ৰভাৱৰ সৈতে যুঁজি আছে। যাৰ বাবে কিছুমান দেশৰ অৰ্থনীতি যথেষ্ট ক্ষতিগ্ৰস্ত হৈছে। কিন্তু তাৰ মাজতো ভাৰত কিছু ব্যতিক্ৰম হৈছে। এনে পৰিস্থিতিৰ মাজতো ভাৰতীয় ৰিজাৰ্ভ বেংকৰ মুদ্ৰানীতি সমিতিয়ে ৰেপ' ৰেটৰ কোনো পৰিৱৰ্তন কৰা নাই।
ভাৰতীয় ৰিজাৰ্ভ বেংকৰ মুদ্ৰানীতি সমিতিয়ে সৰ্বসন্মতিক্ৰমে পলিচি ৰেপ' ৰেট পূৰ্বৰ ৫.২৫ শতাংশতে ৰাখিছে। ইয়াৰ দ্বাৰা ভূ-ৰাজনৈতিক অনিশ্চয়তাৰ মাজতো নিৰপেক্ষ স্থিতি বজাই ৰখাৰ সিদ্ধান্ত গ্ৰহণ কৰিছে বুলি বুধবাৰে ভাৰতীয় ৰিজাৰ্ভ বেংকৰ গৱৰ্ণৰ সঞ্জয় মালহোত্ৰাই ঘোষণা কৰে।
গৱৰ্ণৰ সঞ্জয় মালহোত্ৰাই কয় যে বিশ্ব অৰ্থনীতি অভূতপূৰ্ব প্ৰত্যাহ্বানৰ সন্মুখীন হৈছে। ৬ তাৰিখৰ পৰা হোৱা বৈঠকত মুদ্ৰানীতি সমিতিৰ বৈঠকত পলিচি ৰেপ' ৰেটৰ ওপৰত আলোচনা কৰা হয় আৰু অৱশেষত সিদ্ধান্ত লোৱা হয়।
তেওঁ লগতে কয়, "বিৱৰ্তনশীল অৰ্থনীতি, বিত্তীয় উন্নয়ন আৰু দৃষ্টিভংগীৰ বিশদ মূল্যায়নৰ পিছত মুদ্ৰা নীতি সমিতিয়ে সৰ্বসন্মতিক্ৰমে লিকুইডিটি সুবিধাৰ অধীনত পলিচি ৰেপ' ৰেট ৫.২৫ শতাংশতে অপৰিৱৰ্তিত ৰাখিবলৈ সিদ্ধান্ত গ্ৰহণ কৰে । ফলস্বৰূপে এছটিএফৰ হাৰ ৫ শতাংশ আৰু এমএছএফৰ হাৰ আৰু বেংকৰ হাৰ ৫.৫ শতাংশতে আছে । এমপিচিয়েও নিৰপেক্ষ ষ্ট্ৰেণ্ডসমূহৰ সৈতে অব্যাহত ৰখাৰ সিদ্ধান্ত লয়।"
উল্লেখ্য যে যোৱা বছৰ ৫ ডিচেম্বৰত অন্তিমবাৰৰ বাবে ভাৰতীয় ৰিজাৰ্ভ বেংকৰ মুদ্ৰানীতি সমিতিয়ে ৰেপ' ৰেট ২৫ বেছিছ পইণ্ট হ্ৰাস কৰি ৫.২৫ শতাংশলৈ নিৰপেক্ষ মুদ্ৰানীতিৰ স্থিতি বজাই ৰাখিছিল।
.webp)
