হাতীৰ পিঠিত উঠি আৰু খোলা জীপছি গাড়ীৰে ৰাষ্ট্ৰীয় উদ্যানৰ নৈসর্গত তেওঁলোকে সময় অতিবাহিত কৰে। তদুপৰি দেশৰ লোকসভাৰ অধ্যক্ষ ওম বিৰলাৰ লগতে বলিউডৰ বিভিন্ন শিল্পী আৰু আন্তঃৰাষ্ট্ৰীয় ফুটবলাৰ বাইচুং ভূটীয়ায়ো কাজিৰঙা দৰ্শন কৰে। আনকি ভাষাৰ ওজা হেমচন্দ্ৰ বৰুৱাৰ মৃত্যু দিৱসৰ লগত সংগতি ৰাখি অসমত উপস্থিত হোৱা দেশৰ প্ৰখ্যাত সাহিত্যিক তথা জ্ঞানপীঠ বঁটা বিজয়ী দামোদৰ মৌজেও কাজিৰঙা ভ্ৰমণ কৰে। 

 

কাজিৰঙা ৰাষ্ট্ৰীয় উদ্যান দৰ্শনৰ বাবদ এই পর্যটন বৰ্ষত উদ্যান কর্তৃপক্ষই ৬ কোটি ২৪ লাখ ৮ হেজাৰ ৬শ ৫৬ টকা পৰ্যটকৰ পৰা সংগ্ৰহ কৰে। এইবাৰ পৰ্যটন বৰ্ষত মুঠ ২,৫৫,৬৭৬ পর্যটকে ৰাষ্ট্ৰীয় উদ্যানৰ কেউখন বনাঞ্চলত হাতী ছাফাৰী আৰু জীপ ছাফাৰী কৰে। ইয়াৰে ১,৬৮৭ গৰাকী বিদেশী পৰ্যটক আৰু ২,৫৩,৯৮৯ গৰাকী দেশীয় পর্যটক। বিশেষভাৱে ডিচেম্বৰ মাহতে আগমন হয় সর্বাধিক ৫৫,৭৭৩ গৰাকী পৰ্যটকৰ।