আৱাজ-দ্য ভইচ অসম ব্যুৰো
ভাৰতৰ অন্যতম প্ৰধান উৎসৱ হৈছে হোলী। সুস্বাদু খাদ্যৰ অবিহনে হোলীৰ উৎসৱ আধৰুৱা হৈ ৰৈ। ভাৰতবৰ্ষত অতি উলহ-মালহেৰে উদযাপন কৰা এই উৎসৱৰ প্ৰস্তুতি সম্প্ৰতি আৰম্ভ হৈছে। ভাৰতবৰ্ষত হোলী উদযাপন আৰু ভোজৰ সময়। হোলীৰ কিছুমান বিশেষ পৰম্পৰাগত খাদ্যৰ বিষয়ে জানো আহক।
কণী ভাজি (ৰাঙা ডিমা): ৰাঙা ডিমা হৈছে অসমৰ বৰপেটাৰ দৌল উৎসৱৰ এক পৰম্পৰাগত থলুৱা খাদ্য। এইবিধ খাদ্য অবিহনে দৌল উৎসৱ আধৰুৱা বুলিয়ে ক'ব পাৰি। এইবিধ খাদ্য হালধী, নিমখ আদি সিজোৱা কণীত মিহলাই ৰঙা ৰঙৰ হোৱালৈকে ভাজিব লাগিব।
আলু ভাজি: আলু ভাজিও দৌল উৎসৱৰ এবিধ পৰম্পৰাগত খাদ্য। এইবিধ খাদ্য অবিহনে দৌল উৎসৱ সসম্পূৰ্ণ বুলি কব পাৰি। এইবিধ ব্যঞ্জন খাবলৈ খুবেই সোৱাদ লগা। ডাঙৰ ডাঙৰকৈ আলু কাটি সৰিয়হৰ তেলত পিয়াজ, কেচা জলকীয়া, গোটা গৰম মছলা দি ভাজিব লাগে। পিছত গৰমে গৰমে পৰিবেশন কৰিব লাগে।
ৰাঙা ডিমা আৰু গুজিয়া
মিঠা বগৰীৰ আচাৰ: বৰপেটাৰ দৌল উৎসৱত যদি আপুনি মিঠা বগৰীৰ আচাৰে নাখালে তেনেহলে আপুনি কি খালে। এই বিধ আচাৰ খাবলৈ ৰাজ্য তথা দেশৰ বিভিন্ন প্ৰান্তৰ পৰা মানুহ অহা পৰিলক্ষিত হয়। টেঙা-জলা-মিঠা সোৱাদৰ এইবিধ আচাৰৰ খাবলৈ খুবেই সোৱাদ লগা। এইবিধ আচাৰ বনাবলৈ পকা বগৰী তেল, গুৰ, জলকীয়া, কলা নিমখ আৰু কিছু মছলাৰে ভাজি লব লাগে তাৰ পিছত তাত সামান্য পৰিমানে ভিনেগাৰ মিহলি কৰি ঠাণ্ডা হবলৈ দিব লাগে। ঠাণ্ডা হোৱাৰ পিছত পৰিবেশন কৰিব লাগে।
গুজিয়া: গুজিয়া হৈছে মিঠা হৈছে হোলীৰ এবিধ পৰম্পৰাগত খাদ্য। এই অৰ্ধচন্দ্ৰ আকৃতিৰ পেষ্ট্ৰিবোৰ খোয়া, বাদাম আৰু নাৰিকল ভৰাই সোণালী বৰণৰ হোৱালৈকে ভাজি লোৱা হয়। তাৰ পিছত গুজিয়াবোৰ চেনিৰ চিৰাপত ডুবাই দিয়া হয়, যাৰ ফলত এক সুকীয়া মিঠা সোৱাদ পোৱা যায়। গুজিয়া হৈছে হোলীৰ প্ৰিয় জলপান। হাতেৰে গুজিয়া আকৃতিও দিব পাৰে, তেতিয়া ইয়াৰ আকৃতি ভাল হয়।
মালপোৱা আৰু ঠাণ্ডাই
ঠাণ্ডাই: ঠাণ্ডাই হৈছে হোলীৰ গৰমৰ বাবে একেবাৰে উপযুক্ত সতেজ শীতল পানীয়। এই শীতল পানীয়বিধ শুকান ফল, মছলা আৰু গোলাপৰ পাহিৰ মিশ্ৰণেৰে তৈয়াৰ কৰা হয়। আলমণ্ড আৰু পিষ্টাৰ পুষ্টিকৰ সোৱাদৰ লগতে গোৱামুৰি, ইলাচি আৰু জালুকৰ দৰে সুগন্ধি মছলাৰে পৰিপূৰক হৈ থাকে। ওপৰত এটোপাল ক্ৰীম দি থাণ্ডাই পৰিবেশন কৰা হয় আৰু হোলীৰ সময়ত ইয়াৰ সোৱাদ লোৱা হয়। আজিকালি বজাৰত বিভিন্ন ব্ৰেণ্ডৰ ৰেডিমেড থাণ্ডাইও পোৱা যায়।
দৈ ভল্লা: দৈ ভল্লা হোলীৰ দিনত এবিধ জনপ্ৰিয় অতি সুস্বাদু জলপান। ডিপ ফ্ৰাইড মচুৰ দাইলৰ পকোৰাবোৰ পানীত তিয়াই তাৰ ওপৰত দৈ, চাটনি আৰু মছলা দিয়া হয়। দৈ ভল্লা হৈছে এবিধ অতি সুস্বাদু আৰু ভৰপূৰ জলপান, যিবিধ হোলীৰ সময়ত খাবলৈ একেবাৰে উপযুক্ত। দৈ ভল্লা এনেকুৱা এবিধ খাদ্য যাৰ পকোৰাবোৰ প্ৰথমে পানীত কোমল হোৱালৈকে তিয়াই থব লাগে আৰু তাৰ পিছত দৈ, ডালিম আদি মছলা আদিৰে পৰিবেশন কৰিব লাগে।
আলু টিকি আৰু মগু দাইলৰ পকোড়া
মালপোৱা: মালপোৱা হৈছে এনে এবিধ মিঠা পেনকেক যিবিধ বাহিৰৰ পৰা খৰখৰীয়া আৰু ভিতৰৰ পৰা অতি কোমল। এই মিঠাইবিধ আটা, গাখীৰ আৰু চুজিৰ মিশ্ৰণেৰে তৈয়াৰ কৰা হয় আৰু ইয়াত ইলাচি আৰু কেশৰ সোৱাদ পোৱা যায়। মালপুৱা ঘিউত সোণালী বৰণৰ হোৱালৈকে ভাজি তাৰ পিছত চেনিৰ চিৰাপত তিয়াই ৰখা হয়। হোলীৰ সময়ত মিঠা সোৱাদ উপভোগ কৰাৰ বাবে এইবিধ হৈছে একেবাৰে উপযুক্ত মিঠা খাদ্য। মালপুৱা খাবলৈ বৰ সোৱাদ লগা আৰু ই মিঠা চিৰাপেৰে ভৰপূৰ। ডায়েবেটিছ ৰোগত আক্ৰান্ত লোকসকলে ইয়াৰ সেৱন কমকৈ কৰিব লাগে।
আলু টিকি: সমগ্ৰ ভাৰতবৰ্ষতে জনপ্ৰিয় আলু টিকি এবিধ সুস্বাদু আলুৰ কাটলেট হয়। এই খৰখৰীয়া পেটিজবোৰ পিটিকা আলু, মছলা আৰু ব্ৰেডক্ৰামছেৰে তৈয়াৰ কৰা হয়। আলু টিকি প্ৰায়ে চাটনি বা দৈৰ সৈতে পৰিবেশন কৰা হয় আৰু হোলী উদযাপনৰ সময়ত ই এক আদৰ্শ জলপানৰ হৈ পৰে। সদায় আলু টিকি গৰম গৰমে পৰিবেশন কৰা হয়।
মিঠা বগৰীৰ আচাৰ
কাঞ্জি বড়া: হোলীত ব্ৰেকফাষ্টৰ পৰা ৰাতিৰ আহাৰলৈকে মানুহে সুস্বাদু খাদ্য খাবলৈ ভাল পায়। প্ৰতিদিনে খাবলৈ নতুন নতুন ব্যঞ্জন পালে কি আচৰিত কথা নহয় নে। হোলীৰ ব্ৰেকফাষ্টত মানুহে সদায় এনেকুৱা এবিধ খাদ্য খাবলৈ ভাল পায়, যিবিধ টেঙা-মিঠা আৰু অতি সোৱাদযুক্ত। তেনে এক সুস্বাদু খাদ্য হ’ল কাঞ্জি বড়া। হজম শক্তিৰ ক্ষেত্ৰত কাঞ্জী বড়াক বহুত ভাল বুলি গণ্য কৰা হয়। কাঞ্জী বড়াক ৰ’দত ৰখাৰ পিছত অধিক সোৱাদযুক্ত হৈ পৰে, কিছুমানে তাত গাজৰ আৰু বিট মিশ্ৰণ কৰা দেখা যায়।
ভাংৰ পেড়া: ভাংৰ পেড়া বনোৱাৰ পদ্ধতিটো অতি সহজ আৰু ইয়াক হোলীৰ সময়ত অধিক পছন্দ কৰা যায়। আমি বেছিকৈ ভাং খোৱাৰ প্ৰয়োজন নাই, কাৰণ ইয়াৰ কিছু পাৰ্শ্বক্ৰিয়াও আছে, কিয়নো ইয়াত অধিক পৰিমাণৰ কেলৰিও থাকে। যিয়ে আপোনাৰ ওজন বৃদ্ধিত সহায় কৰে আৰু ইয়াত লেক্টিক এচিড থাকে, যিয়ে শৰীৰত কেলচিয়াম আৰু আইৰণ মাত্ৰা বৃদ্ধি কৰে। এই লাড়ুবোৰ ফ্ৰীজত ১-২ সপ্তাহ ৰাখিব পাৰে। দীৰ্ঘদিন ধৰি ৰাখিবলৈ ডিপ ফ্ৰীজত ৰাখিব লাগে।
আলু ভাজি
মগু দাইলৰ লাড়ু: মগু দাইলৰ লাড়ু হৈছে সকলো বয়সৰ লোকে ভাল পোৱা এবিধ ক্লাছিক লাড়ুৰ সংস্কৰণ, যি সকলো বয়সৰ লোকে খাবলৈ ভাল পায়। এই সুস্বাদু লাড়ুবোৰ সঁচাকৈয়ে ৰুচিবোধৰ বাবে এক উপহাৰস্বৰূপ। এই লাড়ুবোৰ বনাবলৈ মাত্ৰ তিনিটা উপাদানৰ প্ৰয়োজন হয় – মগু দাইল, ঘিউ আৰু চেনি। লাড়ু সোৱাদযুক্ত কৰিবলৈ আপুনি আপোনাৰ পছন্দ অনুসৰি ড্ৰাই ফ্ৰুটছ যেনে আলমণ্ড, কাজু, পিষ্টা আদি যোগ দিব পাৰে। মগু দাইলৰ লাড়ুবোৰ দানাযুক্ত আৰু খোৱাৰ পিছত মুখৰ ভিতৰতে গলি যায়।
