গুৱাহাটী
কলকাতাৰ ইডেন গাৰ্ডেনত খেলি পৰাজয়ৰ হোৱাৰ পিছত জঘন্য উইকেটত বুলি অজুহাত দিব পাৰিছিল। বর্ষাপাৰাত কোনো অজুহাত নাই। দক্ষিণ আফ্রিকাই ৭৪৯ ৰান কৰিছে। দুবাৰকৈ অলআউট কৰিছে টীম ইণ্ডিয়াক। দুয়োটা ইনিংছত জানছেন-হার্মাবে লৈছে মুঠ ১৬ উইকেট। ভাৰতৰ মুঠ বান ৩৪১। পৰাজয়ৰ ব্যৱধান ৪০৮ ৰানৰ। দেশৰ ৯৩ বছৰীয়া টেষ্ট ক্রিকেটৰ ইতিহাসত সৰ্ববৃহৎ ব্যৱধানত পৰাজয়।
ইয়াতকৈ অধিক বানত অন্য এটা পৰাজয়ৰ আগলৈ এই 'বিৰল কৃতিত্ব' বুকুত বান্ধিয়েই গম্ভীৰে কটাব লাগিব জীৱন। বেয়াৰো এটা সীমা আছে। গৃহভূমিত এই পৰাজয় বৰ অসহনীয়। একেৰাহে ১৮ খন শৃংখলা জয় কৰা দলটোৰ এনে দুর্দশাৰ কোনো ব্যাখ্যা নাই। যোৱা বৰ্ষত নিউজিলেণ্ডৰ বিৰুদ্ধে হোৱাইটবাশ্ব হোৱাৰ পিচৰে পৰা গম্ভীৰ হটাও দাবী উঠিছিল।
ব্রহ্মপুত্রত দক্ষিণ আফ্রিকাই একেবাৰে জুবুৰিয়াই খুলে টীম ইণ্ডিয়াক। এইবাৰ দাবী ক্ৰমাৎ সৰৱ হৈছে। বর্ষাপাৰাত নগণ্যসংখ্যক দর্শকেই বঁটা বিতৰণী অনুষ্ঠানৰ মাজত দিলে গম্ভীৰ হায় হায় ধ্বনি। গম্ভীৰ এইবাৰ গভীৰ সংকটত। পিচে এই ব্যর্থতাৰ পিচতো গম্ভীৰ একেবাৰে গৌতম বুদ্ধ। মেচৰ অন্তত সদম্ভেই ক'লে- মোক আঁতৰোৱাৰ সিদ্ধান্ত ব'র্ডে ল'ব। নিজে এই পদ নেবো। মোৰ অধীনতেই ভাৰতে এছিয়া কাপ, চেম্পিয়নছ ট্রফী জয় কৰিছে।
ইফালে গম্ভীৰ ছাঁটাই অভিযানত সৰৱ হৈ পৰিছে দেশৰ প্ৰাক্তন তাৰকাসকল। সকলোৰে একে মত- গম্ভীবে টেষ্ট দলক টি-২০ৰ দলত পৰিণত কৰিছে। ঘৰুৱা ক্রিকেটৰ প্ৰদৰ্শনক গুৰুত্ব নিদি আই পি এলৰ প্ৰদৰ্শনৰ ওপৰত খেলুৱৈ বাছনি কৰা হৈছে। অতিমাত্ৰা পৰীক্ষা-নিৰীক্ষাৰ পৰিণতিত অস্থিবতা সৃষ্টি হৈছে দলৰ ভিতৰত। অপ্রয়োজনীয়ভাবে অধিক অলৰাউণ্ডাৰৰ অন্তর্ভুক্তিত দলৰ ভাৰসাম্য হেৰাই গৈছে। নীতিশ কুমাৰ আৰু ৱাশ্বিংটন সুন্দৰৰ অন্তর্ভুক্তি অযুক্তিকৰ।
এই দুগৰাকীৰ স্থানত বিশেষজ্ঞ বেটাৰ কিম্বা বলাৰ দলত লোৱাৰ প্রয়োজন আছিল। ঘৰুৱা ক্রিকেটত ক্রমাগত ছৰফৰাজ খান, কৰণ নায়াৰে সুন্দৰ প্ৰদৰ্শন কৰা সত্ত্বেও দুয়োগৰাকী গম্ভীৰৰ অপছন্দৰ তালিকাত। দলত গম্ভীবেই এতিয়া শেষ কথা। গুৰু গ্ৰেগৰ জামানা চলিছে গম্ভীৰৰ অধীনত।
