ভূ-ৰাজনৈতিক উত্তেজনাৰ মাজতে আজি ক্ৰিকেটৰ পথাৰত ভাৰত-পাকিস্তানৰ মুখামুখি

Story by atv | Posted by [email protected] • 2 h ago

প্ৰতিনিধিত্বমূলক ফটো

ডুবাই

১৪ ছেপ্টেম্বৰৰ নিশা ডুবাই আন্তঃৰাষ্ট্ৰীয় ক্ৰিকেট ষ্টেডিয়ামত সমুখ সমৰত নামিব ভাৰত-পাকিস্তান। ৰোমাঞ্চ আৰু উত্তেজনাৰ দীঘলীয়া ইতিহাস বহন কৰা চিৰবৈৰী ভাৰত-পাকিস্তানৰ মেচক ক্ৰিকেট অনুৰাগীয়ে মহাৰণ আখ্যা দি আহিছে। কাৰণ, এই মেচৰ সৈতে দুয়োখন দেশৰ জনসাধাৰণৰ আৱেগ আৰু উন্মাদনা জড়িত হৈ থাকে।

চলিত বৰ্ষৰ মে’ মাহত ভাৰত আৰু পাকিস্তানৰ মাজত ভূ-ৰাজনৈতিক উত্তেজনা শিখৰত উপনীত হোৱাৰ পাছত এইখন হ’ব দুই চিৰবৈৰীৰ প্ৰথমটো মুখামুখি। পহলগামত সংঘটিত সন্ত্ৰাসবাদী আক্ৰমণৰ পিছত পাকিস্তানৰ সন্ত্ৰাসবাদী শিবিৰসমূহক লক্ষ্য কৰি ভাৰতে প্ৰতিশোধমূলক পদক্ষেপ হিচাপে চলোৱা 'অপাৰেচন সেন্দুৰ'ৰ পিছত দুয়োখন দেশৰ মাজত ৰাজনৈতিক উত্তেজনা এতিয়াও অব্যাহত আছে। তেনে পৰিস্থিতিত উভয় দেশে এছিয়া কাপ টি-২০ত পৰম্পৰৰ সন্মুখীন হোৱাটো বহুতো সমৰ্থকে সমৰ্থন কৰা নাই।

WATCH || এছিয়া কাপত পাকিস্তানৰ বিৰুদ্ধে জয়ৰ প্ৰাৰ্থনাৰে লক্ষ্ণৌত হোম যজ্ঞ

পহলগাম সন্ত্ৰাসবাদী আক্ৰমণ, অপাৰেচন সেন্দুৰৰ পিছত ভাৰত-পাকৰ প্ৰথম মেচ#Cricket #AsiaCup2025 #Indiapakistanmatch #indvspak2025 #Lucknow #OpSindoor #poojahavan @BCCI @ICCLiveCoverage @AsiaCup_2025… pic.twitter.com/q43IdJGz8C
— Awaz the voice assam (@AssamAwaz) September 14, 2025

সেয়ে, পূৰ্বৰ দৰে এই মেচক লৈ এইবাৰ দেশবাসীৰ মাজত আগ্ৰহ আৰু উন্মাদনা দেখিবলৈ পোৱা নাই। অৱশ্যে তাৰ মাজতো একাংশ অনুৰাগীয়ে ভাৰতৰ জয় প্ৰাৰ্থনা কৰি বিভিন্ন স্থানত হোম যজ্ঞ আৰু পূজা-পাতল আয়োজন কৰিছে।

উল্লেখ্য যে, বিচিচিআইয়ে পাকিস্তানৰ সৈতে দ্বিপাক্ষিক মেচ খেলাৰ পৰা বিৰত আছে যদিও বহুদেশীয় আইচিচি ইভেণ্টত দেশখনৰ সৈতে খেলিবলৈ ভাৰত বাধ্য বুলি জানিবলৈ দিছে। ২০২২ৰ এছিয়া কাপত পাকিস্তানে ভাৰতৰ বিৰুদ্ধে অন্তিমটো জয়ৰ সোৱাদ লাভ কৰিছিল। ইয়াৰ পিছৰে পৰা ভাৰতে চিৰবৈৰী দেশখনৰ বিৰুদ্ধে শেষ হাঁহি মাৰি আহিছে।