ভাৰতৰ তাৰকা বক্সাৰ তথা দুবাৰৰ বিশ্ব চেম্পিয়ন নিখাত জৰিনে আঁঠুৰ সফল অস্ত্ৰোপচাৰৰ পিছত অনুৰাগীসকলৰ সৈতে নিজৰ স্বাস্থ্য সম্পৰ্কীয় এক গুৰুত্বপূৰ্ণ তথ্য শ্বেয়াৰ কৰিছে। যোৱা কেইবামাহ ধৰি আঁঠুৰ তীব্ৰ বিষত ভুগি থকা নিখাতে অৱশেষত সফলভাৱে অস্ত্ৰোপচাৰ সম্পন্ন হোৱাৰ কথা জানিবলৈ দিয়ে। এতিয়া তেওঁৰ সম্পূৰ্ণ মনোযোগ আৰোগ্য লাভৰ দিশত, আৰু তেওঁ দৃঢ় বিশ্বাস ব্যক্ত কৰিছে যে, আগতকৈও অধিক শক্তিশালীভাৱে পুনৰ ৰিঙলৈ উভতি আহিব।
নিজৰ অফিচিয়েল ইনষ্টাগ্ৰাম একাউণ্টত এক আৱেগিক বাৰ্তা শ্বেয়াৰ কৰি নিখাতে লিখে যে, জীৱনৰ কঠিন প্ৰত্যাহ্বানসমূহে তেওঁক কেতিয়াও স্তব্ধ কৰি ৰাখিব নোৱাৰে। তেওঁ কয়, বিগত কেইটামান মাহ তেওঁৰ বাবে শাৰীৰিক আৰু মানসিক দুয়োটা দিশতে অত্যন্ত কঠিন আছিল, কিন্তু এতিয়া তেওঁৰ নতুন যাত্ৰাৰ আৰম্ভণি হৈছে।
Life threw me a curveball, but I’m choosing to come back stronger. 🙌🏻
The past few months have been tough, dealing with a knee pain that eventually led to surgery. Recovery starts now, one step at a time, with patience, faith and determination. 😇
উল্লেখযোগ্য যে, মীনাক্ষীয়ে ছেমিফাইনেলত প্ৰাক্তন বিশ্ব চেম্পিয়ন আৰু ২০২২ কমনৱেলথ গেমছৰ সোণৰ পদক বিজয়ী নীতু ঘাঘাছক পৰাস্ত কৰিছিল। যদিও মীনাক্ষীৰ মূল শাখা ৪৮ কিলোগ্ৰাম, এই শাখাটো এছিয়ান গেমছ আৰু কমনৱেলথ গেমছৰ অন্তৰ্ভুক্ত নহয়। সেইবাবেই তেওঁ ৫১ কিলোগ্ৰাম শাখাত প্ৰতিদ্বন্দ্বিতা কৰিছিল।
সাফল্যৰে ভৰা নিখাতৰ কেৰিয়াৰ
ভাৰতীয় মহিলা বক্সাৰসকলৰ ভিতৰত অন্যতম সফল খেলুৱৈ নিখাত জাৰিনে আন্তঃৰাষ্ট্ৰীয় মঞ্চত দেশলৈ একাধিক সাফল্য কঢ়িয়াই আনিছে। তেওঁৰ উল্লেখযোগ্য সাফল্যসমূহ ক্ৰমে-- দুবাৰৰ বিশ্ব বক্সিং চেম্পিয়ন হোৱাৰ গৌৰৱ, ২০২২ কমনৱেলথ গেমছত স্বৰ্ণ পদক লাভ, বিভিন্ন আন্তঃৰাষ্ট্ৰীয় প্ৰতিযোগিতাত একাধিক স্বৰ্ণ আৰু অন্যান্য পদক লাভ, ভাৰতীয় মহিলা বক্সিঙৰ বাবে এক নতুন পৰিচয় প্ৰতিষ্ঠা কৰা আদি।
