গুৱাহাটী
ফিফা বিশ্বকাপৰ ছেমিফাইনেল আৰু ফাইনেল উপভোগ কৰা ফুটবল অনুৰাগীসকলৰ সুবিধাৰ্থে অসমৰ মুখ্যমন্ত্ৰী হিমন্ত বিশ্ব শৰ্মাই গুৱাহাটী জিলাৰ প্ৰশাসনক ১৫, ১৬, ১৯ আৰু ২০ জুলাই ৰেষ্টুৰেণ্টসমূহ নিশা ৩:৩০ বজালৈ খোলা ৰখাৰ অনুমতি প্ৰদান কৰিবলৈ নিৰ্দেশ দিছে।
সামাজিক মাধ্যম এক্সত এক পোষ্টযোগে মুখ্যমন্ত্ৰীগৰাকীয়ে কয় যে, ফুটবলে মানুহক একত্ৰিত কৰাৰ এক বিশেষ শক্তি আছে। সেই উদ্দেশ্যেই অনুৰাগীসকলে যাতে কোনো অসুবিধা নোহোৱাকৈ বিশ্বকাপৰ গুৰুত্বপূৰ্ণ খেলসমূহ উপভোগ কৰিব পাৰে, সেয়া নিশ্চিত কৰিবলৈ এই সিদ্ধান্ত গ্ৰহণ কৰা হৈছে।
ইয়াৰ উপৰিও মুখ্যমন্ত্ৰীয়ে ৰাজ্যৰ আন আন জিলাৰ জিলা প্ৰশাসনসমূহকো একেধৰণৰ অনুমতি প্ৰদান কৰিবলৈ অধিকাৰ দিছে। সংশ্লিষ্ট জিলাৰ ৰেষ্টুৰেণ্টৰ মালিক সংস্থাই আবেদন জনোৱাৰ লগতে স্থানীয়ভাৱে যথেষ্ট জনসাধাৰণৰ চাহিদা থাকিলে, তেওঁলোকে নিজৰ নিজৰ এলেকাতো ৰেষ্টুৰেণ্টৰ সময়সীমা বৃদ্ধি কৰিব পাৰিব।
মুখ্যমন্ত্ৰীয়ে ফুটবলপ্ৰেমীসকলক দায়িত্বশীলভাৱে খেল উপভোগ কৰাৰ আহ্বান জনোৱাৰ লগতে এই বিশেষ সুবিধাৰ সদ্ব্যৱহাৰ কৰিবলৈও অনুৰোধ জনাইছে।
.webp)
