মৰিগাঁও
অসমৰ মুখ্যমন্ত্ৰী হিমন্ত বিশ্ব শৰ্মাক সামাজিক মাধ্যমত হত্যাৰ ভাবুকি দিয়াৰ অভিযোগত মৰিগাঁও জিলাত এজন লোকক গ্ৰেপ্তাৰ কৰাৰ লগতে আন তিনিজনক সোধ-পোছৰ বাবে আটক কৰা হৈছে বুলি দেওবাৰে আৰক্ষীয়ে জানিবলৈ দিয়ে।
মৰিগাঁৱৰ জ্যেষ্ঠ আৰক্ষী অধীক্ষক (SSP) নিশান্ত সৌৰভে কয় যে শনিবাৰে মুখ্যমন্ত্ৰী শৰ্মাই স্বাধীনতা দিৱস উপলক্ষে দিয়া ভাষণৰ ফেচবুক লাইভ সম্প্ৰচাৰৰ সময়ত মন্তব্য শাখাত উক্ত ভাবুকি পোষ্ট কৰা হৈছিল।
সৌৰভে কয়, “মন্তব্যটো পোহৰলৈ অহাৰ পিছত, যি ব্যক্তিৰ নামত উক্ত ফেচবুক প্ৰফাইলটো আছিল, তেওঁক লাহৰীঘাট অঞ্চলৰ বৰালিমাৰীৰ পৰা গ্ৰেপ্তাৰ কৰা হৈছে।”
SSP-গৰাকীয়ে জনোৱা মতে, আটক কৰা তিনিজনৰ ভিতৰত অভিযুক্তজনৰ পিতৃ আৰু ভাতৃৰ লগতে একেটা অঞ্চলৰ আন এজন লোকো আছে।
সৌৰভে কয় যে গোচৰটোৰ সন্দৰ্ভত তেওঁলোকক সোধ-পোছ কৰা হৈছে যদিও তেওঁলোকক এতিয়ালৈকে গ্ৰেপ্তাৰ কৰা হোৱা নাই।
_(1).webp "ত্ৰিবেণী-সপ্তগ্ৰামৰ খানকাহত চুফীসকলৰ কবৰ")
