গুৱাহাটী
২০২৩ চনত অসমৰ ধুবুৰী জিলাত এগৰাকী চাৰি বছৰীয়া শিশুক ধৰ্ষণ কৰি হত্যা কৰাৰ অপৰাধত এজন লোকক মৃত্যুদণ্ডৰ শাস্তি প্ৰদান কৰিছে আদালতে। পকচো (POCSO) আদালতে এই অপৰাধক “বিৰলতমৰ ভিতৰত বিৰল” (rarest of rare) হিচাপে অভিহিত কৰিছে।
গোচৰটোৰ এগৰাকী চৰকাৰী অধিবক্তাই জনোৱা মতে, বিলাসীপাৰা অতিৰিক্ত আৰু জিলা আদালতৰ বিশেষ ন্যায়াধীশ ৰাণা দত্তই সোমবাৰে দোষী উত্পল ৰায়ক ভাৰতীয় দণ্ডবিধি (IPC) আৰু শিশু যৌন অপৰাধৰ পৰা সুৰক্ষা আইন (POCSO Act)-ৰ বিভিন্ন ধাৰাৰ অধীনত শাস্তি আৰু জৰিমনা বিহে।
অপৰাধটো “বিৰলতমৰ ভিতৰত বিৰল” শ্ৰেণীৰ বুলি গণ্য কৰি ন্যায়াধীশগৰাকীয়ে হত্যাৰ অপৰাধত ৰায়ক মৃত্যুদণ্ডৰ শাস্তি বিহে। ইয়াৰ উপৰি তেওঁক ১০,০০০ টকা জৰিমনা বিহা হয়। জৰিমনা আদায়ত ব্যৰ্থ হ’লে তেওঁ অতিৰিক্তভাৱে ছয় মাহৰ সাধাৰণ কাৰাদণ্ড ভোগিব লাগিব।
ধৰ্ষণৰ অপৰাধত আদালতে ৰায়ক যাৱজ্জীৱন কাৰাদণ্ডৰ বিহে। অৰ্থাৎ, তেওঁ জীৱনৰ স্বাভাৱিক অৱশিষ্ট সময়খিনি কাৰাগাৰত কটাব লাগিব। এই অপৰাধতোৰ বাবে তেওঁক ১০,০০০ টকা জৰিমনা বিহা হয় আৰু জৰিমনা আদায়ত ব্যৰ্থ হ’লে ছয় মাহৰ সাধাৰণ কাৰাদণ্ড ভোগিব লাগিব।
অপৰাধৰ প্ৰমাণ নষ্ট কৰা আৰু অপৰাধীক আইনৰ শাস্তিৰ পৰা বচাবলৈ মিছা তথ্য দিয়াৰ অপৰাধত দোষীজনক পাঁচ বছৰৰ সশ্ৰম কাৰাদণ্ড আৰু ৪,০০০ টকা জৰিমনা বিহা হয়। আনহাতে, শিশুৰ ওপৰত গুৰুতৰভাৱে যৌন আক্ৰমণ (aggravated penetrative sexual assault) কৰাৰ অপৰাধত আদালতে তেওঁক ২০ বছৰৰ কাৰাদণ্ড আৰু ৫০,০০০ টকা জৰিমনা বিহে।
ন্যায়াধীশগৰাকীয়ে নিৰ্দেশ দিয়ে যে সকলো শাস্তি একেলগে কাৰ্যকৰী হ’ব।
ঘটনাটো ২০২৩ চনৰ ৪ ছেপ্টেম্বৰত সংঘটিত হৈছিল। শিশুগৰাকী এখন চাহ বাগিচাৰ চৌহদৰ ভিতৰত থকা নিজ বাসগৃহৰ পৰা সন্ধানহীন হৈছিল। কেইদিনমান পিছত আৰক্ষীয়ে শিশুগৰাকীৰ মৃতদেহ উদ্ধাৰ কৰে। তদন্তত আৰক্ষীয়ে জানিব পাৰে যে অভিযুক্তই শিশুগৰাকীক এটা নিৰ্জন ঠাইলৈ প্ৰলোভনেৰে লৈ গৈছিল আৰু তাত ধৰ্ষণ কৰাৰ পিছত তেওঁক হত্যা কৰিছিল।
পিছত ৰায়ক গ্ৰেপ্তাৰ কৰা হয় আৰু আৰক্ষীয়ে ২০২৪ চনৰ মাৰ্চ মাহত আদালতত অভিযোগনামা দাখিল কৰে।
.webp "প্ৰাক্তন মন্ত্ৰী তথা কংগ্ৰেছ নেতা ছিদ্দিক আহমেদ")
