প্ৰধানমন্ত্ৰী মোদীক জন্মদিনৰ শুভেচ্ছা জ্ঞাপন ট্ৰাম্পৰ; ৰাছিয়া-ইউক্ৰেইনৰ সংঘাত প্ৰশমনত সমৰ্থনৰ বাবে ধন্যবাদ

Story by atv | Posted by [email protected] • 3 h ago

প্ৰধানমন্ত্ৰী মোদী আৰু ড’নাল্ড ট্ৰাম্প (প্ৰতিনিধিত্বমূলক ফটো)

ৱাশ্বিংটন

আমেৰিকাৰ ৰাষ্ট্ৰপতি ড’নাল্ড ট্ৰাম্পে প্ৰধানমন্ত্ৰী নৰেন্দ্ৰ মোদীক ফোন কলৰ জৰিয়তে ৭৫ সংখ্যক জন্মদিনৰ শুভেচ্ছা জ্ঞাপন কৰে, আৰু ৰাছিয়া-ইউক্ৰেইনৰ মাজত সংঘাতৰ অন্ত পেলোৱাৰ ক্ষেত্ৰত সমৰ্থনৰ বাবে কৃতজ্ঞতা প্ৰকাশ কৰে। ট্ৰাম্পে নিজৰ ছ’চিয়েল মিডিয়া একাউণ্ট ট্ৰুথ ছ’চিয়েলত দিয়া এটা পোষ্টত কয় যে প্ৰধানমন্ত্ৰী মোদীয়ে “সাংঘাতিক কাম” কৰি আছে।

"এইমাত্ৰ মোৰ বন্ধু প্ৰধানমন্ত্ৰী নৰেন্দ্ৰ মোদীৰ সৈতে টেলিফোনত বাৰ্তালাপ কৰিলোঁ। মই তেওঁক জন্মদিনৰ বহুত বহুত শুভেচ্ছা জনাইছো! তেওঁ সাংঘাতিক কাম কৰি আছে। ৰাছিয়া আৰু ইউক্ৰেইনৰ মাজৰ যুদ্ধৰ অন্ত পেলোৱাৰ ক্ষেত্ৰত আপোনাৰ সহায়ৰ বাবে ধন্যবাদ!" ড’নাল্ড ট্ৰাম্পে পোষ্টটোত এইদৰে লিখিছে।

"Just had a wonderful phone call with my friend, Prime Minister Narendra Modi. I wished him a very Happy Birthday! He is doing a tremendous job. Narendra: Thank you for your support on ending the War between Russia and Ukraine!" - President Donald J. Trump pic.twitter.com/2IAOyHWKEt
— The White House (@WhiteHouse) September 16, 2025

ইয়াৰ কিছু সময় পিছতে প্ৰধানমন্ত্ৰী মোদীয়ে আমেৰিকাৰ ৰাষ্ট্ৰপতি ড’নাল্ড ট্ৰাম্পক তেওঁৰ ফোন কলৰ বাবে ধন্যবাদ জনাই কয় যে তেওঁ আমেৰিকাৰ নেতাগৰাকীৰ দৰেই ভাৰত-আমেৰিকাৰ সৰ্বাংগীন আৰু গ্ল’বেল পাৰ্টনাৰশ্বিপক নতুন উচ্চতালৈ লৈ যোৱাৰ বাবে সম্পূৰ্ণ প্ৰতিশ্ৰুতিবদ্ধ। এক্সৰ এটা পোষ্টত প্ৰধানমন্ত্ৰী মোদীয়ে ৰাষ্ট্ৰপতি ট্ৰাম্পক “মোৰ বন্ধু” বুলি উল্লেখ কৰি কয় যে ইউক্ৰেইনৰ সংঘাতৰ শান্তিপূৰ্ণ সমাধানৰ বাবে ভাৰতে তেওঁৰ পদক্ষেপক সমৰ্থন কৰে।

"মোৰ ৭৫ সংখ্যক জন্মদিনত আপোনাৰ ফোন কল আৰু উষ্ম শুভেচ্ছাৰ বাবে মোৰ বন্ধু ৰাষ্ট্ৰপতি ট্ৰাম্পক অশেষ ধন্যবাদ জনাইছো। আপোনালোকৰ দৰে মইও ভাৰত-আমেৰিকাৰ সৰ্বাংগীন আৰু বিশ্বব্যাপী অংশীদাৰিত্বক নতুন উচ্চতালৈ লৈ যোৱাৰ বাবে সম্পূৰ্ণ প্ৰতিশ্ৰুতিবদ্ধ। ইউক্ৰেইন সংঘাতৰ শান্তিপূৰ্ণ সমাধানৰ দিশত আপোনালোকৰ পদক্ষেপক আমি সমৰ্থন কৰোঁ।"-প্ৰধানমন্ত্ৰী মোদীয়ে কয়।

Thank you, my friend, President Trump, for your phone call and warm greetings on my 75th birthday. Like you, I am also fully committed to taking the India-US Comprehensive and Global Partnership to new heights. We support your initiatives towards a peaceful resolution of the…
— Narendra Modi (@narendramodi) September 16, 2025

দ্বিপাক্ষিক বাণিজ্য আলোচনাৰ পৰৱৰ্তী পদক্ষেপৰ বিষয়ে আলোচনা কৰিবলৈ আমেৰিকাৰ বাণিজ্য প্ৰতিনিধি ব্ৰেণ্ডন লিঞ্চ ৰাষ্ট্ৰীয় ৰাজধানী দিল্লীত উপস্থিত হোৱাৰ দিনাই আমেৰিকাৰ ৰাষ্ট্ৰপতিয়ে ভাৰতৰ প্ৰধানমন্ত্ৰী নৰেন্দ্ৰ মোদীক শুভেচ্ছা জনোৱাটো গুৰুত্বপূৰ্ণ বিবেচিত হৈছে।