উল্লেখ্য যে, শৈক্ষিক দিশত মেধাৰ পৰিচয় দিয়া শ্বাহিনে ইংৰাজী সাহিত্যত স্নাতকোত্তৰ ডিগ্ৰী লাভ কৰাৰ পিছত সৃষ্টিশীল লেখা আৰু অনুবাদত পি জি ডিপ্লোমা সম্পূৰ্ণ কৰিছে। তেওঁ ইণ্টেছ’লৰ দ্বাৰা প্ৰমাণিত ই এছ এল (ইংৰাজী দ্বিতীয় ভাষা হিচাপে) শিক্ষক প্ৰশিক্ষণো সম্পূৰ্ণ কৰিছে। 

শ্বাহিনে কয়, "মই কোনো নিৰ্দিষ্ট বিষয়বস্তুক লৈ লিখা মেলা নকৰো।  মোৰ মনত যি অনুভৱ কৰো সেয়া মই কবিতা আকাৰে প্ৰকাশ কৰো। মই মোৰ কবিতাবোৰত অতি সহজ সৰল ভাষাৰ ব্যৱহাৰ কৰো। যাতে পাঠকে সহজে বুজি পায়। বৰ্তমান ইংৰাজী সাহিত্যৰো পঢ়ুৱৈৰ সংখ্যা যথেষ্ট বৃদ্ধি হৈছে। 'ৱৰ্ডছ ফৰ্ম ডাষ্ট' মোৰ কবিতাপুথিখন সকলো বয়সৰ পাঠকে আকোৱালি লৈছে। পুথিখনৰ পূৰ্বৰ দুটি সংস্কৰণৰ পঢ়ূৱৈ সহাঁৰি যথেষ্ট উৎসাহজনক আছিল, যাৰ বাবে তৃতীয় সংস্কৰণটি মুকলি কৰিবলৈ বাধ্য হলো। মোৰ কবিতাবোৰত পাঠকে জীৱনৰ বাস্তৱ সত্য, প্ৰকৃত ভালপোৱা, প্ৰকৃতিৰ এক আভাস পাব।"