আৱাজ-দ্য ভইচ ব্যুৰ'
পিতৃয়ে ট্ৰাকৰ ষ্টেৰিং ঘুৰাই অতিক্ৰম কৰা প্ৰতিটো মাইলেই কন্যা কায়নাতক এগৰাকী ডাক্তৰ হোৱাৰ দিশে একোটা খোজ ওচৰলৈ লৈ গৈছিল। বিহাৰৰ দৰভাঙ্গাৰ ট্ৰাক চালক দেউতাক ইমতিয়াজ আহমেদ খানে বছৰ বছৰ ধৰি দিন-ৰাতি একাকাৰ কৰি পৰিশ্ৰম কৰি গাড়ী চলাইছিল, যাতে তেওঁৰ নিজৰ কন্যা কায়নাত খানামে নিজৰ বুকুত পুহি ৰখা ডাঙৰ সপোনটো পূৰণ কৰিব পাৰে।
নিজৰ সপোনৰ পথটো কিন্তু কায়নাতৰ বাবে মুঠেই সুগম নাছিল। সমগ্ৰ দেশত যেতিয়া ক’ৰ’না মহামাৰীৰ সংহাৰী ৰূপ দেখা গৈছিল, তেতিয়া কায়নাতো নিজৰ গাঁও মোৰৱাৰালৈ ঘূৰি আহিবলৈ বাধ্য হৈছিল। গাঁৱত ইণ্টাৰনেট আৰু নেটৱৰ্কৰ তীব্ৰ সমস্যাৰ বাবে তেওঁৰ অনলাইন পঢ়া-শুনাত ডাঙৰ ব্যাঘাত জন্মিছিল। কিন্তু দেউতাকে কন্যাৰ পঢ়া-শুনাত কোনো অসুবিধা হ'বলৈ দিয়া নাছিল। অতি সীমিত উপাৰ্জন হোৱা সত্ত্বেও, ইমতিয়াজ আহমেদ খানে দৰভংগাত এটা ঘৰ ভাড়াত লৈছিল যাতে নিজৰ কন্যাই কোনো বাধা নোহোৱাকৈ শিক্ষা গ্ৰহণ কৰিব পাৰে। মেডিকেল প্ৰৱেশিকা পৰীক্ষা NEET-ৰ বাবে প্ৰস্তুতি আৰম্ভ কৰাৰ পূৰ্বে কায়নাতে তাতে থাকি একাদশ আৰু দ্বাদশ শ্ৰেণীৰ পঢ়া-শুনা সফলতাৰে সম্পূৰ্ণ কৰে।
কায়নাত খানাম
যেতিয়া সকলো ঠিকঠাক চলি আছিল, ঠিক তেনে সময়তে কায়নাতৰ জীৱনলৈ আহিছিল আন এক ডাঙৰ ধুমুহা। ২০২৪ চনৰ সমগ্ৰ দেশজুৰি চাঞ্চল্য সৃষ্টি কৰা প্ৰশ্নকাকত ফাদিলৰ ঘটনাৰ বাবে কায়নাতে কষ্টৰে উত্তীৰ্ণ হোৱা NEET পৰীক্ষাটো বাতিল কৰি দিয়া হয়। এই ঘটনাত মন ভাঙি পৰিছিল যদিও দৃঢ়প্ৰতিজ্ঞ কায়নাতে হাৰ মানি লোৱা নাছিল। শিক্ষকসকলৰ মানসিক সমৰ্থনেৰে নিজৰ হেৰুৱা আত্মবিশ্বাস পুনৰ ঘূৰাই আনি তেওঁ প্ৰতিদিনে নিশা ২ বজালৈকে কঠোৰ অধ্যয়নত ব্ৰতী হৈছিল।
অৱশেষত এই অদম্য ধৈৰ্য আৰু কষ্টৰ ফল পালে। এইবছৰ ঘোষিত NEET 2026-ৰ ফলাফলত কায়নাতে ৭২০ নম্বৰৰ ভিতৰত ৫৯৩ নম্বৰ লাভ কৰি সমগ্ৰ ভাৰতৰ ভিতৰত ১২,৫৭৫ স্থান সুৰক্ষিত কৰিবলৈ সক্ষম হয়।
কায়নাত খানাম
জীয়ৰীৰ এই অভূতপূৰ্ব সফলতাত আৱেগিক হৈ দেউতাক ইমতিয়াজে কয় যে জীয়ৰীৰ সপোনটো কেতিয়া যে তেওঁৰ নিজৰ সপোন হৈ পৰিল, তেওঁ গমেই নাপালে। আজি কায়নাতে পিতৃ-কন্যাৰ সেই যৌথ সপোনক বাস্তৱত ৰূপায়িত কৰিবলৈ সম্পূৰ্ণৰূপে সাজু হৈছে। ভৱিষ্যতে এগৰাকী সফল চিকিৎসক হৈ সমাজৰ দৰিদ্ৰ লোকক নিষ্ঠাৰে সেৱা কৰাটোৱেই এতিয়া কায়নাতৰ একমাত্ৰ লক্ষ্য।
.webp "প্ৰধানমন্ত্ৰী নৰেন্দ্ৰ মোদী আৰুইনফ'ছিছৰ সহ-প্ৰতিষ্ঠাপক নন্দন নীলেকানী")
