ইটানগৰ
জুন মাহৰ পৰা প্ৰচণ্ড বৰষুণৰ ফলত অৰুণাচল প্ৰদেশৰ কেইবাটাও অঞ্চল যথেষ্ট ক্ষতিগ্ৰস্ত হৈছে। যাৰ ফলত সমগ্ৰ ৰাজ্যতে ভূমিস্খলন আৰু ক্ষন্তেকীয়া বানপানীৰ সৃষ্টি হৈছে। প্ৰচণ্ড বৰষুণৰ বাবে নিম্ন ছিয়াং জিলাত পৃষ্ঠীয় যোগাযোগ বিচ্ছিন্ন হৈ পৰিছে, ছিজি, য়েটে, আৰু গাৰু গাঁৱৰ ওচৰত ভূমিস্খলনৰ বাতৰি পোৱা গৈছে। পশ্চিম ছিয়াং, লেপাৰাডা, শ্বি-য়োমি, উচ্চ সোৱণশিৰি আদি জিলাৰ বাবে জীৱনৰেখা বুলি গণ্য কৰা আলো-লিকাবালি পথটো আৱদ্ধ হৈ আছে।
ইয়াৰ পূৰ্বে চীনৰ সীমান্তৱৰ্তী আঞ্জাৱ জিলা প্ৰশাসনে পথ সংযোগ পুনৰ ঘূৰাই অনাৰ পূৰ্বে প্ৰায় ২০ দিন ধৰি বিচ্ছিন্ন হৈ পৰিছিল। কেয়ী পানিয়ৰ জিলাত শিলগুটিৰ ফলত গোটেই দিনটো ঘাইপথৰ যাতায়ত ব্যাহত হোৱাৰ বিপৰীতে নিম্ন সোৱণশিৰিৰ মুখ্য কাৰ্যালয় জিৰ’ বানপানীৰ ফলত ধাননি পথাৰ আৰু সম্পত্তিৰ ক্ষতিসাধন হয়।
নতুন ভূমিস্খলনৰ আশংকাৰ বাবে বাসিন্দাসকলক নিশা ভ্ৰমণৰ পৰা আঁতৰি থাকিবলৈ আহ্বান জনাইছে বিষয়াসকলে। খবৰ অনুসৰি, প্ৰচণ্ড বৰষুণত কমেও ১৫ জন লোকৰ প্ৰাণহানি হোৱাৰ লগতে কেইবাজনো পৰিয়াল স্থানচ্যুত হৈছে, যাৰ ফলত ২৬খন জিলাৰ ৩৬ হাজাৰৰো অধিক লোক ক্ষতিগ্ৰস্ত হৈছে। পূব কামেং আৰু উচ্চ সোৱণশিৰি আটাইতকৈ বেছি ক্ষতিগ্ৰস্ত অঞ্চলৰ ভিতৰত অন্যতম, বৰ্তমান ৰাজ্যখন হাই এলাৰ্টত আছে।
মৃতকৰ পৰিয়াললৈ গভীৰ শোক প্ৰকাশ কৰি মুখ্যমন্ত্ৰী পেমা খাণ্ডুৱে চৰকাৰী নীতি অনুসৰি ৪ লাখ টকাকৈ আৰ্থিক সাহাৰ্য প্ৰদানৰ কথা ঘোষণা কৰিছে। তেওঁ আশ্বাস দিয়ে যে, যুদ্ধৰ ভিত্তিত সাহায্য আৰু পুনৰ্বাসনৰ ব্যৱস্থা গ্ৰহণ কৰা হৈছে। জিলা প্ৰশাসনক ২৪/৭ সজাগ হৈ থাকিবলৈ আৰু সময়মতে সাহায্য প্ৰদান সুনিশ্চিত কৰিবলৈ নিৰ্দেশ দিয়ে। তেওঁ এক বিবৃতিত জৰিয়তে কয়, "মই বিদেহী আত্মাৰ চিৰশান্তি আৰু শোকসন্তপ্ত পৰিয়াললৈ শক্তিৰ বাবে প্ৰাৰ্থনা কৰিছো।"
ৰাজ্যৰ ৰাজধানীত ইটানগৰ পৌৰ নিগমৰ মেয়ৰ টাম্মে ফাছাঙে নদী আৰু দুৰ্বল অঞ্চলৰ কাষত বসবাস কৰা লোকসকলক ধাৰাসাৰ বৰষুণৰ সময়ত অতিৰিক্ত সাৱধানতা অৱলম্বন কৰিবলৈ আহ্বান জনায়। তেওঁ লগতে কয় যে, ইটানগৰ, নাহৰলাগুন, নিৰ্জুলি আৰু বান্দৰদেৱাক সামৰি লোৱা ২০টা ৱাৰ্ডৰ কৰ্পৰেটৰৰ সৈতে আইএমচিয়ে হাই এলাৰ্টত আছে আৰু বাৰিষাৰ বিধ্বংসী পৰিস্থিতিৰ সৈতে মোকাবিলা কৰিবলৈ ব্যাপক প্ৰস্তুতিৰ ব্যৱস্থা গ্ৰহণ কৰিছে।
.webp "প্ৰতিনিধিত্বমুলক ছবি")
_(2).webp "প্ৰতিনিধিত্বমুলক ছবি")
