নতুন দিল্লী
জমিয়ত উলামা-ই-হিন্দৰ সভাপতি মৌলানা মাহমুদ আছাদ মাদানীৰ অধ্যক্ষতাত আজি নতুন দিল্লীৰ আই টি অ’ৰ মাদানী হলত জমিয়ত উলামা-ই-হিন্দৰ কাৰ্যনিৰ্বাহক সমিতিৰ এক গুৰুত্বপূৰ্ণ বৈঠক অনুষ্ঠিত হয়। বৈঠকত সমসাময়িক জৰুৰী বিষয় যেনে ৱাকফ সংশোধনী আইন ২০২৫, মুছলমানৰ বিৰুদ্ধে অবৈধ অনুপ্ৰৱেশৰ অভিযোগ, পেলেষ্টাইন শান্তি চুক্তি, দেশৰ বৰ্তমানৰ পৰিস্থিতিত মুছলমান সংখ্যালঘুসকলৰ ওপৰত কঠোৰতা কৰা আদি বিষয়সমূহৰ ওপৰত বিতংভাৱে আলোচনা কৰা হয়।
আজিৰ এই বৈঠকতে জমিয়ত উলামা-ই-হিন্দৰ কেন্দ্ৰীয় সভাপতি পদৰ নতুন কাৰ্যকালৰ কথাও ঘোষণা কৰা হয়। জমিয়ত উলামা-ই-হিন্দৰ কাৰ্যনিৰ্বাহক সমিতিৰ সদস্য আৰু দেশৰ বিভিন্ন প্ৰান্তৰ পৰা বিশেষভাৱে আমন্ত্ৰিত প্ৰতিনিধিয়ে কাৰ্য্যনিৰ্বাহক সমিতিৰ বৈঠকত অংশগ্ৰহণ কৰে আৰু কেইবাটাও বিষয় উপস্থাপন কৰে। প্ৰথম অৱস্থাত জমিয়ত উলামা-ই-হিন্দৰ সাধাৰণ সম্পাদক মৌলানা মহম্মদ হাকিমুদ্দিন কাছমীয়ে পূৰ্বৰ কাৰ্য্যবিধি দাঙি ধৰে।
বৈঠকত জমিয়ত উলামা-ই-হিন্দৰ সংবিধানৰ ৫২ নং অনুচ্ছেদ অনুসৰি মৌলানা মাহমুদ আছাদ মাদানীক নতুন কাৰ্যকালৰ বাবে সভাপতি হিচাপে সৰ্বসন্মতিক্ৰমে ঘোষণা কৰা হয়। সকলো ৰাজ্যৰ কাৰ্যনিৰ্বাহক সমিতিয়ে তেওঁক পৰৱৰ্তী কাৰ্যকালৰ বাবে পৰামৰ্শ আগবঢ়াইছিল। সেয়েহে ঘোষণা কৰা হৈছে যে, মৌলানা ২০২৪-২৭ বৰ্ষৰ বাবে জমিয়ত উলামা-ই-হিন্দৰ সভাপতি হিচাপে নিৰ্বাচিত হৈছে।
সভাপতি পদলৈ নিৰ্বাচিত হোৱাৰ পিছত মৌলানা মাদানীয়ে একেখন বৈঠকতে, সংবিধান অনুসৰি, কাৰ্যভাৰ গ্ৰহণ কৰে, যাৰফলত আনুষ্ঠানিকভাৱে নতুন কাৰ্যকালৰ আৰম্ভণি হয়। ইয়াৰ পূৰ্বে নিৰ্বাচন ব’ৰ্ডৰ তত্বাৱধানত অনুষ্ঠিত হোৱা জমিয়ত উলামা-ই-হিন্দৰ সকলো ৰাজ্যিক ইউনিটৰ নিৰ্বাচনৰ সবিশেষ দাখিল কৰি অনুমোদন জনোৱা হয়। দিল্লী, তেলেংগানা, অসমৰ আঞ্চলিক নিৰ্বাচন নিৰ্ধাৰিত সময়সীমাৰ ভিতৰত সম্পূৰ্ণ কৰিব নোৱাৰাৰ কথাও কাৰ্যনিৰ্বাহক সমিতিয়ে বিবেচনা কৰি আৰু নিজৰ বিবেচনা অনুসৰি তিনিমাহৰ ভিতৰত নিৰ্বাচন সম্পূৰ্ণ কৰিবলৈ ব’ৰ্ডসমূহক নিৰ্দেশ দিয়াৰ সিদ্ধান্ত গ্ৰহণ কৰে।
জমিয়ত উলামা-ই-হিন্দৰ সভাপতি মৌলানা মাদানীয়ে সংখ্যালঘুসকলৰ চাৰিওফালে ফান্দ কটকটীয়া কৰা, তেওঁলোকৰ ধৰ্মীয় প্ৰতীক আৰু পৰিভাষাক অপবিত্ৰ কৰা, বুলডজাৰৰ কাৰ্যকলাপ, ধৰ্মীয় স্বাধীনতাত বাধা আৰোপ কৰা, হালালৰ বিৰুদ্ধে অভিযানকে ধৰি দেশৰ সাম্প্ৰতিক পৰিস্থিতিৰ বিষয়ে বিশদভাৱে উল্লেখ কৰিছে।
তেওঁ কয় যে, সাংবিধানিক অধিকাৰ উলংঘাৰ ক্ষেত্ৰত চৰকাৰ আৰু সংবাদ মাধ্যম সহযোগী; তেওঁলোকৰ আচৰণ কেৱল ন্যায়, সততা আৰু শালীনতাৰ পৰা বঞ্চিতই নহয়, এই মূল্যবোধৰ সম্পূৰ্ণ বিপৰীত। তেওঁলোকৰ এই প্ৰচেষ্টাৰ লক্ষ্য হৈছে মুছলমানসকলক দাসত্বত ৰাখি দ্বিতীয় শ্ৰেণীৰ নাগৰিকলৈ হ্ৰাস কৰা, যিটো সাম্প্ৰদায়িক শক্তিৰ দীৰ্ঘদিনীয়া নীতি। আনহাতে, নিপীড়িত শ্ৰেণীয়ে অধিক অধ্যৱসায়েৰে কাম কৰাটোও উৎসাহজনক আৰু জমিয়ত উলামা-ই-হিন্দে এই স্থায়ী প্ৰচেষ্টাক আগুৱাই নিব বিচাৰে।
কাৰ্যনিৰ্বাহক সমিতিয়ে ভাৰত চৰকাৰে বিশেষকৈ প্ৰধানমন্ত্ৰী আৰু গৃহমন্ত্ৰীয়ে মুছলমানসকলৰ ওপৰত জনগাঁথনি পৰিৱৰ্তন আৰু অনুপ্ৰৱেশৰ অভিযোগৰ বিষয়ে বিতংভাৱে আলোচনা কৰি এনে বক্তব্যক জাতীয় ঐক্য, সামাজিক সম্প্ৰীতি, সাংবিধানিক সমতাৰ বাবে ক্ষতিকাৰক বুলি অভিহিত কৰে।
কাৰ্যনিৰ্বাহক সমিতিয়ে আৰু প্ৰস্তাৱত উল্লেখ কৰিছে যে, কেন্দ্ৰীয় চৰকাৰে বাৰে বাৰে উচ্চতম ন্যায়ালয় আৰু সংসদলৈ লিখিতভাৱে উল্লেখ কৰিছে যে, তেওঁলোকৰ হাতত অবৈধ অনুপ্ৰৱেশকাৰীৰ কোনো প্ৰামাণিক সংখ্যা নাই, আৰু সেয়েহে, এই অভিযোগসমূহ মিছাৰ ওপৰত ভিত্তি কৰি কৰা হৈছে। জমিয়ত উলামা-ই-হিন্দে এই প্ৰদাহজনক আৰু বিভাজনকাৰী আখ্যানক তীব্ৰভাৱে অস্বীকাৰ কৰে। এনে অভিযোগ সমগ্ৰ দেশৰ মুছলমানসকলক সন্দেহজনক আৰু অবিশ্বাস্য কৰি তোলাৰ প্ৰয়াস। ভাৰতীয় মুছলমানসকলৰ বলিদান আৰু সেৱা জাতীয় ইতিহাসৰ গৌৰৱময় অধ্যায়ত লিপিবদ্ধ হৈ আছে, আৰু তেওঁলোকে বাৰে বাৰে দেশৰ প্ৰতি আনুগত্য প্ৰকাশ কৰাৰ প্ৰয়োজন নাই।
প্ৰস্তাৱত লগতে উল্লেখ কৰিছে যে, জমিয়ত উলামা-ই-হিন্দে প্ৰধানমন্ত্ৰী, গৃহমন্ত্ৰী, ৰাজনৈতিক নেতাসকলক প্ৰমাণহীন আৰু সাম্প্ৰদায়িক বক্তব্য দিয়াৰ পৰা বিৰত থাকিবলৈ সকীয়াই দিয়ে। ভাৰত চৰকাৰে স্বচ্ছ তথ্য জনসাধাৰণৰ আগত দাঙি ধৰিব লাগে। জমিয়ত উলামা-ই-হিন্দে দেশত অবৈধ অনুপ্ৰৱেশৰ আৰম্ভণিৰে পৰাই তীব্ৰ বিৰোধিতা কৰি আহিছে আৰু বিশ্বাস কৰে যে, যদি কোনো অনুপ্ৰৱেশ সংঘটিত হৈছে তেন্তে চৰকাৰ আৰু গৃহ মন্ত্ৰালয়ে ইয়াৰ সম্পূৰ্ণ দায়িত্ব বহন কৰে। এই কথিত অনুপ্ৰৱেশৰ বাবে মুছলমানক দোষাৰোপ কৰাটো সম্পূৰ্ণ ভিত্তিহীন।
কাৰ্যনিৰ্বাহক সমিতিয়ে ৱাকফ আইন ২০২৫ আৰু উমিদ পৰ্টেল সন্দৰ্ভত নিজৰ প্ৰস্তাৱত উল্লেখ কৰিছে যে, এই আইনখনে ৱাকফসকলৰ ধৰ্মীয় পৰিচয়ৰ প্ৰতি গুৰুতৰ ভাবুকি কঢ়িয়াই আনিছে।
