নতুন দিল্লী
হাৰিয়ানাৰ আম্বালা বায়ুসেনা ঘাটিৰ পৰা ৰাফেল যুদ্ধ বিমানেৰে ছৰ্টী কৰিবলৈ উৰা মাৰিছে ৰাষ্ট্ৰপতি দ্ৰৌপদী মূৰ্মূৱে। মূৰ্মূৰ বাবে যুদ্ধ বিমানত এয়া দ্বিতীয়বাৰৰ বাবে কৰা এনে ছৰ্টী।
পাঁচ মাহ পূৰ্বে যেতিয়া ভাৰতে পহলগাম আক্ৰমণৰ প্ৰতিশোধ ল’বলৈ অপাৰেচন সেন্দুৰ আৰম্ভ কৰিছিল, তেতিয়া এই বিমান ঘাটিৰ পৰা ৰাফেলে সীমান্তৰ সিপাৰে থকা সন্ত্ৰাসবাদী শিবিৰ ধ্বংস কৰাৰ অভিযান লৈ নতুন দিল্লীৰ সন্ত্ৰাসবাদ বিৰোধী বাৰ্তা প্ৰেৰণ কৰিছিল।
২০২৩ চনৰ ৮ এপ্ৰিলত ভাৰতৰ সশস্ত্ৰ বাহিনীৰ উচ্চতম সেনাধ্যক্ষগৰাকীয়ে অসমৰ তেজপুৰ বায়ুসেনা ষ্টেচনত সুখয়-৩০ এম কে আই জেট বিমানেৰে উৰা মাৰিছিল আৰু তেনেদৰে উৰা মৰা তৃতীয়গৰাকী ৰাষ্ট্ৰপতি আৰু দ্বিতীয়গৰাকী মহিলা ৰাষ্ট্ৰপতি হৈছিল।
মূৰ্মূৰ পূৰ্বে প্ৰাক্তন সভাপতি এ পি জে আব্দুল কালাম আৰু প্ৰতিভা পাটিলে পুনেৰ সমীপৰ লোহেগাঁৱত সুখয়-৩০ এম কে আইত উৰা মাৰিছিল। ফ্ৰান্সৰ এৰ'স্পেচ জায়ান্ট ডাছ'ল্ট এভিয়েশ্যনে নিৰ্মাণ কৰা ৰাফেল বিমানখন ভাৰতৰ কোনো ৰাষ্ট্ৰপতিয়ে প্ৰথমবাৰৰ বাবে উৰুৱাইছে।
২০২০ চনত আম্বালাৰ বায়ুসেনা ষ্টেচনত ভাৰতীয় বায়ুসেনাৰ বহৰত যোগদান কৰিছিল ৰাফেলে। এইবোৰ ১৭ স্কোয়াড্ৰনৰ অংশ, 'গোল্ডেন এৰোছ'।
_and_Dr_Shahid_Rasheed_(centre)_with_a_student..webp)
