গেংটক
ছিকিমৰ ৰাজ্যিকতাৰ ৫০ বছৰীয়া জয়ন্তী উদযাপনৰ সামৰণি অনুষ্ঠানত অংশগ্ৰহণ কৰি মঙলবাৰে নৰেন্দ্ৰ মোদীয়ে ৰাজ্যখনত ৪,০০০ কোটি টকাৰো অধিক মূল্যৰ উন্নয়নমূলক প্ৰকল্পৰ শুভাৰম্ভ কৰে।
বিষয়াসকলে জনোৱা মতে, এই প্ৰকল্পসমূহৰ ভিতৰত আন্তঃগাঁথনি, যাতায়ত ব্যৱস্থা (কানেক্টিভিটি), স্বাস্থ্যসেৱা, শিক্ষা, শক্তি, নগৰ উন্নয়ন, পৰিৱেশ, পৰ্যটন আৰু কৃষি আদি খণ্ডসমূহ অন্তৰ্ভুক্ত হৈ আছে।
এই পদক্ষেপসমূহৰ লক্ষ্য হৈছে হিমালয়ৰ পাদদেশৰ ৰাজ্যখনত সামগ্ৰিক আৰু সৰ্বাংগীন উন্নয়নৰ গতি ত্বৰান্বিত কৰা।
উল্লেখযোগ্য যে, প্ৰধানমন্ত্ৰী মোদীৰ এই ভ্ৰমণক ছিকিমৰ স্বৰ্ণ জয়ন্তী বৰ্ষৰ এক গুৰুত্বপূৰ্ণ মাইলৰ খুঁটি হিচাপে বৰ্ণনা কৰা হৈছে আৰু ই ৰাজ্যখনৰ দ্ৰুত তথা বহনক্ষম উন্নয়নৰ প্ৰতি চৰকাৰৰ নিৰন্তৰ দায়বদ্ধতাকে প্ৰতিফলিত কৰিছে।
