ইংলিছ চেনেল দুবাৰকৈ সাঁতুৰা প্ৰথম অসমীয়া হিচাপে ইতিহাস ৰচিলে এলভিছ আলী হাজৰিকাই

Story by atv | Posted by [email protected] • 21 h ago

এলভিছ আলী হাজৰিকা

গুৱাহাটী

দেশৰ প্ৰখ্যাত সাঁতোৰবিদ এলভিছ আলী হাজৰিকাই বৰ্ণিল কেৰিয়াৰত আন এক মাইলৰ খুঁটি অৰ্জন কৰিবলৈ সক্ষম হৈছে। অদম্য নিষ্ঠা, আৱেগ আৰু দৃঢ়তাৰ পৰিচয় দি ৪৩ বছৰীয়া এলভিছে দুবাৰকৈ ইংলিছ চেনেল সফলতাৰে সাঁতুৰি পাৰ হোৱা প্ৰথমজন অসমীয়া ব্যক্তি হিচাপে পৰিগণিত হৈছে।

এলভিছৰ দ্বিতীয়টো ইংলিছ চেনেল সাঁতুৰাৰ অভিযান আৰম্ভ হৈছিল ভাৰতীয় সময় অনুসৰি মঙলবাৰে মাজনিশা ১:৩০ বজাৰ পৰা। ১৩ ঘণ্টীয়া কষ্টকৰ যাত্ৰাৰ অন্তত তেওঁ অৱশেষত দ্বিতীয়বাৰৰ বাবে ইংলিছ চেনেল সাঁতুৰি পাৰ হয়। এই অসাধাৰণ কৃতিত্বৰে এলভিছে তেওঁৰ অদম্য মনোভাৱ আৰু ব্যতিক্ৰমী সহনশীলতাৰ প্ৰমাণ দাঙি ধৰিছে।

সাঁতোৰত প্ৰাক্তন ৰাষ্ট্ৰীয় চেম্পিয়ন এলভিছে কেইবাটাও উল্লেখযোগ্য সাফল্যৰ জৰিয়তে অসম তথা ভাৰতলৈ ধাৰাবাহিকভাৱে গৌৰৱ আৰু সন্মান কঢ়িয়াই আনিছে। ইয়াৰ পূৰ্বে তেওঁ কেটালিনা চেনেল, নৰ্থ চেনেল, আৰু ৰবেন দ্বীপ সফলতাৰে সাঁতুৰি ভাৰতৰ অন্যতম নিপুণ সাঁতোৰবিদ হিচাপে পৰিচয় দিছে।

Huge congratulations to beloved swimmer Elvis Ali Hazarika on becoming the first Assamese to successfully swim the English Channel in a Relay Mode.

This is yet another feature of endurance and determination by Elvis, who is constantly breaking new barriers in the sport. May Maa… pic.twitter.com/NyBUAirjFX
— Sarbananda Sonowal (@sarbanandsonwal) July 30, 2025

ইংলিছ চেনেল দুবাৰকৈ সাঁতুৰা প্ৰথম অসমীয়া হিচাপে ইতিহাস ৰচাৰ পিছত সংবাদ মাধ্যমলৈ প্ৰেৰণ কৰা এক ভিডিঅ'ত এলভিছ আলী হাজৰিকাই কয়, "অত্যন্ত গৌৰৱ আৰু বিনম্ৰতাৰে মই প্ৰকাশ কৰিব বিচাৰিছো যে মই আনুষ্ঠানিকভাৱে অসমৰ প্ৰথমজন সাঁতোৰবিদ হিচাপে ইংলিছ চেনেল ছুইম ইন এ ৰিলে মোড (English Channel Swim in a Relay Mode) সম্পূৰ্ণ কৰিবলৈ সক্ষম হৈছো। মোৰ বাবে এই যাত্ৰা কেৱল সহনশীলতা, শক্তি বা প্ৰচণ্ড ঠাণ্ডা পানীৰ প্ৰত্যাহ্বান নেওচা নাছিল, এয়া আছিল মোৰ ভিতৰত জ্বলি থকা একুৰা জুই, আৰু আপোনালোকৰ মৰম আৰু সমৰ্থনৰ ফল।"

সাঁতোৰবিদজনে পুনৰ কয়, "প্ৰতিকূল বতৰ, বৰফৰ সোঁত, আৰু শাৰীৰিক ক্লান্তিয়ে মোক বাধা দিছিল যদিও অসম আৰু অসমবাসীৰ প্ৰাৰ্থনা, উৎসাহ, আৰু আশীৰ্বাদে সেই অন্ধকাৰৰ সময়ত মোক পোহৰৰ বাট দেখুৱাইছিল। ব্ৰহ্মপুত্ৰৰ পৰা ইংলিছ চেনেললৈকে মোৰ এই সাঁতোৰৰ যাত্ৰা মোক গঢ় দিয়া প্ৰতিগৰাকী লোকৰ প্ৰতি এক শ্ৰদ্ধাঞ্জলি।"