সেউজ শক্তি আৰু ছেমিকণ্ডাক্টৰৰ সহায়ত অসমে ভাৰতক আত্মনিৰ্ভৰশীল হোৱাত সহায় কৰিছেঃ প্ৰধানমন্ত্ৰী মোদী

Story by atv | Posted by [email protected] • 1 Months ago

নুমলীগড়ত প্ৰধানমন্ত্ৰীয়ে মুকলি কৰা বাঁহ ভিত্তিক ইথানল উদ্যোগ

গুৱাহাটী

প্ৰধানমন্ত্ৰী নৰেন্দ্ৰ মোদীয়ে দেওবাৰে অসমৰ নুমলীগড়ত ভাৰতৰ প্ৰথমটো দ্বিতীয় প্ৰজন্মৰ বাঁহ ভিত্তিক ইথানল উদ্যোগ (second-generation bamboo-based ethanol plant) উদ্বোধন কৰি অঞ্চলটোৰ অৰ্থনীতি আৰু শক্তি সুৰক্ষাৰ পৰিৱৰ্তনৰ সম্ভাৱনাক আলোকপাত কৰে। তেওঁ লগতে কয় যে বিজেপি নেতৃত্বাধীন কেন্দ্ৰীয় চৰকাৰে খাৰুৱা তেল আৰু গেছৰ আমদানি হ্ৰাস কৰাৰ বাবে পদক্ষেপ গ্ৰহণ কৰিছে। লগতে জীৱাশ্ম ইন্ধন আৰু সেউজ শক্তিৰ অন্বেষণত অধিক গুৰুত্ব আৰোপ কৰিছে।

ভাৰতৰ সেউজ শক্তিৰ দিশত দ্ৰুত গতিৰ ওপৰত আলোকপাত কৰি তেওঁ কয়, ‘এটা দশকৰ আগতে ভাৰত সৌৰশক্তিৰ ক্ষেত্ৰত বহু পিছ পৰি আছিল, কিন্তু আজি সৌৰশক্তিৰ ক্ষেত্ৰত ভাৰত বিশ্বৰ শীৰ্ষ পাঁচখন দেশলৈ উন্নীত হৈছে। এই পৰিৱৰ্তিত সময়ত ভাৰতক তেল আৰু গেছৰ সলনি বিকল্প ইন্ধনৰ প্ৰয়োজন আছে। তেনে এটা বিকল্প হ’ল ইথানল।”

তেওঁ কয় যে ভাৰতক আত্মনিৰ্ভৰশীল হ’বলৈ দুটা মূল বস্তুৰ প্ৰয়োজন আছে--শক্তি আৰু ছেমিকণ্ডাক্টৰ (Energy and Semiconductors)। এই যাত্ৰাত অসমে উল্লেখযোগ্য ভূমিকা পালন কৰিছে।

India needs two key things to become self-reliant - energy and semiconductors. Assam is playing a significant role in this journey. pic.twitter.com/9Qj5w7ai6n
— PMO India (@PMOIndia) September 14, 2025

উল্লেখ্য যে, ৫ হাজাৰ কোটি টকাৰ নুমলীগড় শোধনাগাৰ লিমিটেড (এন আৰ এল) প্ৰকল্পটো হৈছে বাঁহক ইথানললৈ ৰূপান্তৰিত কৰা বিশ্বৰ প্ৰথমটো ইউনিট। শোধনাগাৰটো শূন্য আৱৰ্জনাযুক্ত কেন্দ্ৰ হিচাপেও ডিজাইন কৰা হৈছে, য’ত উচ্চ মূল্যৰ ৰাসায়নিক পদাৰ্থ যেনে গ্ৰীণ ফাৰফুৰাল, গ্ৰীণ এচিটিক এচিড, বায়’-ক’ল, খাদ্য গ্ৰেডৰ কাৰ্বন ডাই অক্সাইড, আৰু ২৫ মেগাৱাট নবীকৰণযোগ্য বিদ্যুৎ উৎপাদন কৰা হয়।

ভাষণত প্ৰধানমন্ত্ৰীয়ে কংগ্ৰেছে অসমৰ প্ৰাকৃতিক সম্পদক অৱহেলা কৰাৰ অভিযোগ উত্থাপন কৰি বাঁহ কটাৰ ওপৰত পূৰ্বৰ নিষেধাজ্ঞাৰ কথা আঙুলিয়াই দিয়ে। ‘আজি আমি বাঁহৰ পৰা ইথানল উৎপাদন কৰিছো, কিন্তু আপুনি সেই সময় পাহৰিব নালাগে যেতিয়া কংগ্ৰেছ চৰকাৰে বাঁহ কটাৰ বাবে মানুহক জেললৈ পঠিয়াব। আমাৰ জনজাতীয় লোকসকলৰ দৈনন্দিন জীৱনৰ সদায় অবিচ্ছেদ্য অংগ হৈ থকা বাঁহ কটাত নিষেধাজ্ঞা আৰোপ কৰা হৈছিল। আমাৰ চৰকাৰে বাঁহ কটাৰ নিষেধাজ্ঞা আঁতৰাই দিলে, আৰু আজি এই সিদ্ধান্তই উত্তৰ-পূৰ্বাঞ্চলৰ জনসাধাৰণক যথেষ্ট উপকৃত কৰিছে।’--তেওঁ কয়।

In today’s changing times, India requires more fuels as an alternative to oil and gas. One such promising alternative is ethanol. A new plant to produce ethanol from bamboo has been inaugurated here, which will greatly benefit the farmers of Assam and the tribal families

For… pic.twitter.com/vzcMn289sH
— PIB India (@PIB_India) September 14, 2025

এই উপলক্ষে প্ৰধানমন্ত্ৰী মোদীয়ে ভাৰতৰ সমৃদ্ধিৰ শক্তি প্ৰদানৰ ক্ষেত্ৰত অসমৰ প্ৰয়োজনীতাৰ ওপৰত গুৰুত্ব আৰোপ কৰিছিল। ‘অসম হৈছে ভাৰতৰ শক্তি সম্ভাৱনাক শক্তিশালী কৰা ভূমি। ইয়াৰ পৰা ওলোৱা পেট্ৰলিয়াম সামগ্ৰীয়ে দেশৰ উন্নয়নত ইন্ধন যোগায়। অসমৰ এই শক্তিক নতুন উচ্চতালৈ লৈ যোৱাৰ বাবে বিজেপি-এনডিএ চৰকাৰ প্ৰতিশ্ৰুতিবদ্ধ।’-প্ৰধানমন্ত্ৰীয়ে কয়।

সাগৰৰ পৰা সম্ভাৱ্য তেল আৰু গেছৰ ভাণ্ডাৰৰ সন্ধান কৰিবলৈ চৰকাৰৰ ‘ৰাষ্ট্ৰীয় গভীৰ জল অন্বেষণ অভিযান’ (National Deep-Water Exploration Mission)ৰ কথা উল্লেখ কৰি প্ৰধানমন্ত্ৰীয়ে অসমক কেন্দ্ৰ হিচাপে লৈ ছেমিকণ্ডাক্টৰ মিছনৰ ফ্লেগ কৰে। ইথানল উদ্যোগৰ সমান্তৰালভাৱে ৭ হাজাৰ কোটি টকাৰ পলিপ্ৰ’পাইলিন উদ্যোগো উদ্বোধন কৰে প্ৰধানমন্ত্ৰী মোদীয়ে। ইয়াৰ লক্ষ্য আছিল ভাৰতৰ আমদানিৰ ওপৰত নিৰ্ভৰশীলতা ২০ শতাংশ হ্ৰাস কৰা।

#LIVE | PM @narendramodi inaugurates Assam Bioethanol Pvt Ltd at Numaligarh Refinery - a ₹5,000 cr joint venture with Finnish firms. The bamboo-based bioethanol plant will produce 48,900 MT annually, generate 25 MW of green power & cut crude imports, boosting clean energy &… pic.twitter.com/FF1SU7jniS
— DD India (@DDIndialive) September 14, 2025

ইফালে, কেন্দ্ৰীয় পেট্ৰলিয়াম মন্ত্ৰী হৰদীপ সিং পুৰীয়ে এদিন পূৰ্বে এক্সত লিখিছিল যে ১২ হাজাৰ কোটিতকৈও অধিক মূল্যৰ দুয়োটা প্ৰকল্পই অসম আৰু উত্তৰ-পূৰ্বাঞ্চলক “গোলকীয় সেউজ শক্তি আৰু পেট্ৰ’কেমিকেল লেণ্ডস্কেপৰ কেন্দ্ৰ” হিচাপে স্থান দিছে আৰু প্ৰধানমন্ত্ৰীৰ “অসমৰ জনসাধাৰণৰ প্ৰতি থকা প্ৰেম আৰু নিষ্ঠা”ক প্ৰতিফলিত কৰিছে।