এছিয়া কাপৰ ফাইনেলত ভাৰতৰ সন্মুখত চিৰবৈৰী পাকিস্তান

Story by atv | Posted by [email protected] • 4 h ago

প্ৰতিনিধিত্বমূলক ফটো

ডুবাই

চলিত এছিয়া কাপ টি-২০ ক্ৰিকেট প্ৰতিযোগিতাত পুনৰ এবাৰ মুখামুখি হ'ব দুই চিৰবৈৰী ভাৰত-পাকিস্তান। ডুবাইত চলি থকা প্ৰতিযোগিতাখনৰ ছুপাৰ-৪ৰ এখন মেচত পাকিস্তানে যোৱানিশা বাংলাদেশক ১১ ৰানত পৰাস্ত কৰি ফাইনেলত প্ৰৱেশ কৰে।

ইয়াৰ লগে লগে ক্ৰিকেট অনুৰাগীয়ে ভাৰত-পাকিস্তানৰ এক এক ব্ল'কবাষ্টাৰ উপভোগ কৰিবলৈ পোৱাটো নিশ্চিত হৈছে। কাৰণ, ভাৰতে এতিয়ালৈকে আটাইকেইখন মেচত জয়ী হৈ আগতীয়াকৈ ফাইনেলত স্থান সুৰক্ষিত কৰিছে।

বৃহস্পতিবাৰে নিশা অনুষ্ঠিত মেচখনত পাকিস্তানে বান্ধি দিয়া ১৩৬ ৰানৰ লক্ষ্যৰ পিছ লৈ বাংলাদেশ দলটো ১২৪ ৰানতে থমকি ৰয়। পাকিস্তানৰ এই জয়ৰ মূলতে আছিল বেগী বলাৰ শ্বাহিন শ্বাহ আফ্ৰিদী। তেওঁ মাত্ৰ ১৭ ৰানৰ বিনিময়ত ৩টা উইকেট দখল কৰে। বেটিঙতো তেওঁ ১৩ বলৰ সন্মুখীন হৈ ১৯ ৰানৰ মূল্যৱান অৰিহণা আগবঢ়ায়।

A historic Sunday awaits: Pakistan and India are set to meet in their first Asia Cup final, marking the third straight weekend they face each other pic.twitter.com/xfuM3SYJWR
— ESPNcricinfo (@ESPNcricinfo) September 25, 2025

উল্লেখ্য যে, এইবাৰৰ এছিয়া কাপত ভাৰতে পাকিস্তানক গ্ৰুপ পৰ্যায়ত এবাৰ আৰু ছুপাৰ-৪ ৰাউণ্ডত এবাৰ পৰাস্ত কৰিবলৈ সক্ষম হৈছে। অহা ২৮ ছেপ্তেম্বৰত চিৰবৈৰী দল দুটা ফাইনেলত পুনৰ এবাৰ পৰস্পৰৰ মুখামুখি হ'ব। ইয়াৰ পূৰ্বে ভাৰতে আজি সন্ধিয়া শ্ৰীলংকাৰ বিৰুদ্ধে ছুপাৰ-৪ ৰাউণ্ডৰ অন্তিমখন মেচ খেলিব। এই মেচৰ কোনো গুৰুত্ব নাই যদিও ফাইনেলৰ পূৰ্বে ভাৰতৰ বাবে এয়া অতি প্ৰয়োজনীয় মেচ প্ৰেকটিচ হ'ব।