নতুন দিল্লী
ভাৰতীয়মূলৰ আমেৰিকান অভিযন্তা হিৰ্ষ বৰ্ধন সিঙে ২০২৪ চনৰ আমেৰিকাৰ ৰাষ্ট্ৰপতি নিৰ্বাচনৰ বাবে ৰিপাব্লিকান দলৰ প্ৰাৰ্থী হিচাপে মনোনয়ন পত্ৰ দাখিল কৰিছে। ইয়াৰ পূৰ্বে তেওঁ বিভিন্ন ৰাজনৈতিক পদৰ বাবে প্ৰতিদ্বন্দ্বিতা কৰাৰ চেষ্টা কৰিছিল যদিও সফলতা লাভ কৰা নাছিল।
ইতিমধ্যে আগন্তুক ৰাষ্ট্ৰপতি পদৰ দৌৰত দলটোৰ মনোনয়নৰ বাবে প্ৰতিদ্বন্দ্বিতা কৰা প্ৰতিদ্বন্দ্বীৰে ভৰি থকা ৰিপাব্লিকান দলৰ প্ৰাৰ্থীৰ ক্ষেত্ৰখনত তেওঁ যোগদান কৰে।
আমেৰিকা যুক্তৰাষ্ট্ৰৰ ৰাষ্ট্ৰপতিৰ বাবে জিঅপি ক্ষেত্ৰত যোগদান কৰা নিকি হেলী আৰু বিবেক ৰামাস্বামীৰ পিছত হিৰ্ষ বৰ্ধন সিং ভাৰতীয়মূলৰ তৃতীয়গৰাকী ব্যক্তিহিচাপে পৰিগণিত হয়।
টুইটাৰত শ্বেয়াৰ কৰা এক ভিডিঅ’ত সিঙে নিজৰ পৰিচয় “আজীৱন ৰিপাব্লিকান” আৰু “আমেৰিকা ফাৰ্ষ্ট” ৰক্ষণশীল বুলি প্ৰকাশ কৰিছে। তেওঁ নিউ জাৰ্চি ৰিপাব্লিকান পাৰ্টিৰ ভিতৰত ৰক্ষণশীল শাখা পুনৰুদ্ধাৰ কৰাৰ প্ৰচেষ্টাত গুৰুত্ব আৰোপ কৰে। সিঙে বিশ্বাস কৰে যে শেহতীয়া বছৰবোৰত হোৱা পৰিৱৰ্তনসমূহ সলনি কৰিবলৈ আৰু আমেৰিকাৰ মূল্যবোধসমূহ পুনৰুদ্ধাৰ কৰিবলৈ শক্তিশালী নেতৃত্বৰ প্ৰয়োজন, যাৰ ফলত ২০২৪ চনৰ ৰাষ্ট্ৰপতি নিৰ্বাচনৰ বাবে ৰিপাব্লিকান পাৰ্টিৰ মনোনয়ন বিচৰাৰ সিদ্ধান্ত গ্ৰহণ কৰিছে।
দ্য হিল বাতৰি কাকতৰ বাতৰি অনুসৰি বৃহস্পতিবাৰে ৩৮ বছৰীয়া ব্যক্তিজনে আনুষ্ঠানিকভাৱে ফেডাৰেল নিৰ্বাচন আয়োগৰ ওচৰত প্ৰাৰ্থিত্ব দাখিল কৰে।
হিৰ্ষ সিঙৰ ঘোষণাৰ পূৰ্বে দক্ষিণ কেৰ’লিনাৰ প্ৰাক্তন গৱৰ্ণৰ নিকি হেলী (৫১) আৰু কোটিপতি উদ্যোগী বিবেক ৰামাস্বামী (৩৭) ইতিমধ্যে বছৰটোৰ আৰম্ভণিতে ৰিপাব্লিকান পাৰ্টিৰ পৰা তেওঁলোকৰ প্ৰাৰ্থীত্ব ঘোষণা কৰিছিল।
এই প্ৰাৰ্থীসকলে আমেৰিকাৰ প্ৰাক্তন ৰাষ্ট্ৰপতি ডনাল্ড ট্ৰাম্পৰ বিৰুদ্ধে প্ৰতিদ্বন্দিতা কৰিব। যিয়ে বৰ্তমান আইনী প্ৰত্যাহ্বানৰ সন্মুখীন হোৱা স্বত্বেও ২০২৪ চনত ৰিপাব্লিকান পাৰ্টিৰ মনোনয়নৰ দৌৰত আগবাঢ়ি আছে।
২০২৪ চনৰ ১৫-১৮ জুলাইত উইচকনচিনৰ মিলৱাকিত অনুষ্ঠিত ৰিপাব্লিকান পাৰ্টিৰ ৰাষ্ট্ৰীয় সন্মিলনত তেওঁলোকে আনুষ্ঠানিকভাৱে তেওঁলোকৰ ৰাষ্ট্ৰপতি পদৰ মনোনীত প্ৰাৰ্থীক নিৰ্বাচন কৰিব।
হিৰ্ষ সিঙৰ ৰাজনৈতিক যাত্ৰাত ২০১৭ আৰু ২০২১ চনত নিউ জাৰ্ছিৰ গৱৰ্ণৰৰ বাবে আছিল। ২০১৮ চনত হাউছৰ আসনৰ বাবে আৰু ২০২০ চনত চেনেটৰ বাবে ৰিপাব্লিকান দলৰ প্ৰাইমাৰীত প্ৰতিদ্বন্দ্বিতা কৰা দেখা গৈছে। কিন্তু পূৰ্বৰ সেই প্ৰচেষ্টাসমূহত তেওঁ ৰিপাব্লিকান পাৰ্টিৰ মনোনয়নমনোনয়ন লাভ কৰাত ব্যৰ্থ হৈছিল।
