অভিনেতাগৰাকীয়ে ইয়াৰ সোৱাদটো ভাল পাইছিল আৰু ব্ৰেণ্ডটোৰ বাবে নিজৰ নাম আৰু ভাবমূৰ্তি ব্যৱহাৰ কৰাৰ অনুমতি প্ৰদান কৰিছিল। বৰ্তমান এই কোম্পানীটো তেওঁৰ নাতি তৌফিক আহমেদ আৰু শ্বাহনৱাজে পৰিচালনা কৰি আছে। ৰমজান মাহত ইয়াৰ ছেৱাইৰ চাহিদা যথেষ্ট বৃদ্ধি পায়। ইয়াৰ ছেৱাই দেশৰ বিভিন্ন ৰাজ্যৰ লগতে উপসাগৰীয় দেশসমূহলৈও ৰপ্তানি কৰা হয়। এই ব্ৰেণ্ডটো প্ৰিমিয়াম ছেগমেণ্টত পৰে আৰু স্থানীয় আৰু আন্তঃৰাষ্ট্ৰীয় বজাৰত কোটি টকাৰ লেনদেন সৃষ্টি কৰে।
উত্তৰ প্ৰদেশ, বেনাৰস, লক্ষ্ণৌ আৰু বিহাৰৰ পাটনাতো ছেৱাইৰ এক বৃহৎ ব্যৱসায় আছে। এই বজাৰখন ৰমজান আৰু ঈদৰ সময়ত শিখৰত উপনীত হয়, যদিও ইয়াৰ কোনো সঠিক চৰকাৰী তথ্য উপলব্ধ নহয়। কিয়নো এই খণ্ডটো বহুলাংশে অসংগঠিত। বিশেষজ্ঞসকলৰ মতে, ৰমজান মাহত দেশত মুঠ ছেৱাইৰ ব্যৱসায় প্ৰায় ₹১০০০ কোটিৰ পৰা ₹১৫০০ কোটি হ’ব পাৰে। সাধাৰণ সময়ৰ তুলনাত ৰমজান মাহত ইয়াৰ চাহিদা ১০ৰ পৰা ১৫ গুণলৈ বৃদ্ধি পায়।
খাদ্য বিশেষজ্ঞসকলে কয় যে, ৰমজান মাহত মুঠ FMCG বিক্ৰীৰ প্ৰায় ১৮-২০ শতাংশ কেৱল খাদ্য সামগ্ৰীৰ পৰাই আহে। ইয়াৰ ভিতৰত ছেৱাই, খেজুৰ, ফল-মূল আদি অন্তৰ্ভুক্ত হৈ আছে। উত্তৰ ভাৰতৰ কিছুমান চহৰত এই সময়ছোৱাত কোটি কোটি টকাৰ স্থানীয় ব্যৱসায়ৰ সৃষ্টি হয়।
প্ৰতিনিধিত্বমুলক ফটো
ঈদ আৰু ৰমজান মাহত প্ৰতিখন মুছলমান ঘৰতে ছেৱাই প্ৰস্তুত কৰা হয়। মিঠাইৰ দোকান, ৰেষ্টুৰেণ্ট, আৰু কেটাৰসকলেও শ্বীৰ খুৰমা আৰু কিমামি ছেৱাইৰ বাবে বৃহৎ পৰিমাণৰ সামগ্ৰী ক্ৰয় কৰে। ইয়াৰ উপৰিও উপসাগৰীয় দেশসমূহলৈ বৃহৎ পৰিমাণৰ ছেৱাই ৰপ্তানি কৰা হয়। উত্তৰ ভাৰতৰ বজাৰৰ সৈতে মিলি এই ব্যৱসায়ৰ মূল্য ₹৫০০ কোটিৰো অধিক হয়।
ছেৱাইৰ চাহিদা কেৱল মাত্ৰ মিহি ছেৱাইতে সীমাবদ্ধ নহয়। মোটা ছেৱাই বা নুডলছৰ চাহিদাও গোটেই বছৰজুৰি থাকে। যি নিমখীয়া ছেৱাই, ইটালিয়ান আৰু চাইনিজ খাদ্যত ব্যৱহাৰ কৰা হয়। বিশেষকৈ ৰমজান মাহ আৰু ঈদৰ সময়ত মিহি ছেৱাইৰ চাহিদা যথেষ্ট বৃদ্ধি পায়। এই ধৰণৰ ছেৱাইৰ ব্যৱসায় উৎসৱ আৰু দৈনন্দিন জীৱন দুয়োটাতে বিভিন্ন ৰূপত সক্ৰিয় হৈ থাকে।
সমগ্ৰ দেশতে ছেৱাইৰ বজাৰখন ব্যাপক, বৈচিত্ৰপূৰ্ণ আৰু ক্ৰমান্বয়ে বৃদ্ধি হৈ আছে। এয়া কেৱল খাদ্যয়েই নহয়, সংস্কৃতি আৰু উৎসৱৰো অংশ হৈ পৰিছে। গুণগত মান, সোৱাদ আৰু পৰম্পৰাগত পদ্ধতিৰ বাবে এই সামগ্ৰীয়ে ভাৰতৰ প্ৰতিখন ঘৰতে আৰু আন্তঃৰাষ্ট্ৰীয় বজাৰত নিজৰ এক সুকীয়া স্থান বজাই ৰাখিছে।
.webp "গুৱাহাটী-হাওড়াৰ মাজত চলিব বন্দে ভাৰত শ্লীপাৰ কোচ ৰে’ল")
