দিল্লীত অঘটন; ভাঙি পৰিল চাৰি মহলীয়া অট্টালিকা

Story by atv | Posted by [email protected] • 7 h ago

দিল্লীত ভাঙি পৰিল চাৰি মহলীয়া অট্টালিকা

নতুন দিল্লী

উত্তৰ-পূব দিল্লীৰ ৱেলকাম এলেকা (Welcome area)ত শনিবাৰে সংঘটিত হয় এক ভয়ংকৰ ঘটনা। অঞ্চলটোৰ ছিলামপুৰ ইডগাহ ৰোডত এটা চাৰি মহলীয়া অট্টালিকা ভাঙি পৰাত ভয়াৱহ পৰিস্থিতিৰ সৃষ্টি হয়। ধ্বংসাৱশেষৰ তলত ১২ জন লোক আবদ্ধ হৈ পৰাৰ আশংকা কৰা হৈছে। বৰ্তমান ঘটনাস্থলীত উদ্ধাৰ অভিযান অব্যাহত আছে। সৌভাগ্যক্ৰমে এতিয়ালৈকে কোনো লোকে প্ৰাণ হেৰুওৱাৰ খবৰ পোহৰলৈ অহা নাই।

ইতিমধ্যে ধ্বংসাৱশেষৰ পৰা ৪ জন লোকক উলিয়াই আনি ততাতৈয়াকৈ চিকিৎসালয়ত ভৰ্তি কৰা হৈছে। অগ্নিনিৰ্বাপক বাহিনীৰ তথ্যমতে, ছিলমপুৰৰ জনতা কলনীৰ ৫ নং গলীত ৪ মহলীয়া অট্টালিকা ভাঙি যায়। খবৰ অনুসৰি, ৩০-৩৫ গজত এই অট্টালিকাটো নিৰ্মাণ কৰা হৈছিল।

ইফালে, অঞ্চলটোত জনসংখ্যা ঘন হোৱাৰ বাবে উদ্ধাৰ অভিযানত অসুবিধাৰ সৃষ্টি হৈছে। অঞ্চলটোত বৰ্তমানেও উদ্ধাৰৰ কাম চলি আছে। ঘটনাস্থলীত আৰক্ষী বিভাগৰ লগতে অগ্নিনিৰ্বাপক বাহিনীৰ ৭ খন বাহন উপস্থিত আছে।

VIDEO | Delhi: A four-storey building collapsed in Welcome area of northeast Delhi on Saturday morning and some people could be trapped under the rubble, police said. A rescue operation by multiple agencies is underway, they said. #DelhiNews #BuildingCollapse

(Full video… pic.twitter.com/Xav2jR1VVR
— Press Trust of India (@PTI_News) July 12, 2025

অৱশ্যে, অট্টালিকাটো কি কাৰণত ভাঙি পৰিল সেয়া এতিয়াও জানিব পৰা হোৱা নাই। এই ভৱনটো অতি পুৰণি আৰু জৰাজীৰ্ণ আছিল বুলি স্থানীয় লোকে মন্তব্য কৰিছে। ইফালে এতিয়াও একাংশ লোক ধ্বংসাৱশেষৰ তলতে আবদ্ধ হৈ থকাৰ কথা আশংকা কৰা হৈছে।