সিদ্ধাৰ্থ এন / নতুন দিল্লী
অপাৰেচন সেন্দুৰৰ সময়ত নিজৰ গাঁৱৰ পৰা মাত্ৰ ২ কিলোমিটাৰ নিলগত সীমান্তত নিয়োজিত ভাৰতীয় সৈন্যক গাখীৰ আৰু লাচ্চীকে ধৰি হাইড্ৰেটিং ড্ৰিংকছ যোগান ধৰিছিল এগৰাকী শিশুৱে। ভাৰতীয় সেনাই শিশুটোৰ এই কাৰ্য্যত যথেষ্ট আপ্লুত হৈছিল আৰু উৎসাহ পাইছিল। এতিয়া এই দহ বছৰীয়া শিশু শ্ৰৱণ সিঙৰ শিক্ষাৰ দায়িত্ব গ্ৰহণ কৰিব ভাৰতীয় সেনাই।
ভাৰত-পাকিস্তান সীমান্তত কৰ্তব্যৰত জোৱানসকলক অত্যাৱশ্যকীয় সামগ্ৰী যোগান ধৰি অপাৰেচন সেন্দুৰৰ সময়ত উল্লেখযোগ্য সাহস আৰু দেশপ্ৰেম প্ৰদৰ্শন কৰা পঞ্জাৱৰ কণমানি শিশু শ্ৰৱণ সিঙৰ শিক্ষাৰ বাবে ধন আগবঢ়োৱাৰ প্ৰতিশ্ৰুতি দিছে ভাৰতীয় সেনাই। তেওঁৰ নিস্বাৰ্থ কাৰ্যক স্বীকৃতি দি সেনাবাহিনীৰ 'গোল্ডেণ এৰৌ' বিভাগে শ্ৰৱণৰ শিক্ষাৰ সম্পূৰ্ণ দায়িত্ব ল’ব।
পঞ্জাৱৰ ফিৰোজপুৰ জিলাৰ তাৰা ৱালি গাঁৱৰ শ্ৰৱণ সিঙে নিজৰ গাঁৱৰ ওচৰতে নিয়োজিত সৈনিকসকলক সহযোগ কৰি উল্লেখযোগ্য পৰিপক্কতা আৰু দেশপ্ৰেমৰ পৰিচয় দিছিল। শ্ৰৱণৰ নিস্বাৰ্থ কৰ্মই সাহস আৰু কৰ্তব্যৰ উজ্জ্বল নিদৰ্শন হিচাপে দাঙি ধৰিছে।
শ্ৰৱণে সৈন্যবাহিনীক পানী, গাখীৰ, লাচ্চী, চাহ আদি অত্যাৱশ্যকীয় সতেজ খাদ্য যোগান ধৰিবলৈ যৎপৰোনাস্তি চেষ্টা কৰিছিল। তেওঁৰ এই কাৰ্য্যই সৈনিকসকলক প্ৰত্যাহ্বানমূলক সময়ত শক্তিশালীভাবে মনোনিৱেশ কৰি থাকিবলৈ উৎসাহ যোগাইছিল। সংবাদ মাধ্যমৰ আগত শ্ৰৱণে কয়; "মই ডাঙৰ হৈ এগৰাকী সেনা জোৱান হ'ব বিচাৰো। মই দেশৰ সেৱা কৰিব বিচাৰো।"
শ্ৰৱণৰ ক্ষীপ্ৰ চিন্তা আৰু নিস্বাৰ্থ কৰ্মক সৈনিকসকলে প্ৰশংসা কৰিছিল আৰু শ্ৰৱণে বিশ্বাস অৰ্জন কৰিব পাৰিছিল। শ্ৰৱণৰ কৰ্ম আৰু নিস্বাৰ্থ কামেই সৈনিক সকলৰ ওপৰত গভীৰ প্ৰভাৱ পেলাইছিল। শ্ৰৱণে নিজৰ সীমান্তৱৰ্তী গাঁওখনৰ সান্নিধ্যৰ তাৎপৰ্য বুজি পাইছিল আৰু নিজৰ ধৰণেৰে যি পাৰে অৱদান আগবঢ়াবলৈ উদ্যোগ লৈছিল। দেশবাসীৰ সুৰক্ষাৰ স্বাৰ্থত নিয়োজিত সৈনিকসকলক সহায় কৰাৰ গুৰুত্ব তেওঁ স্বীকাৰ কৰিছিল।
সীমান্তৰ ওচৰত থকা হিচাপত শ্ৰৱণে ভয় কৰিব পাৰিলেহেঁতেন। কিন্তু তেওঁ তাৰ পৰিৱৰ্তে সাহসী আৰু দেশপ্ৰেমী হ'বলৈ শিকিছিল। পৰিস্থিতিৰ বিষয়ে তেওঁৰ বুজাবুজিয়ে তেওঁক পদক্ষেপ ল’বলৈ আৰু সৈনিকসকলক সমৰ্থন কৰিবলৈ অনুপ্ৰাণিত কৰিছিল। শ্ৰৱণে স্বীকাৰ কৰিছিল যে, তেওঁৰ অৱদান যুদ্ধৰে নহয়, যত্ন আৰু সহায়ৰ প্ৰদৰ্শনৰহে হ’ব। তেওঁ সৈন্যসকলক সতেজ খাদ্যৰ ব্যৱস্থা কৰি সহায় কৰাৰ পন্থা বাছি লৈছিল, তেওঁ দেশখনক সুৰক্ষা দিয়াসকলক শুশ্ৰূষা কৰিছিল।
শ্ৰৱণে নিস্বাৰ্থভাৱে নিজৰ ঘৰৰ পৰা সতেজ খাদ্য সৈনিকৰ ওচৰলৈ লৈ যায় আৰু তেওঁলোকক খাব দিয়ে। তেওঁৰ এই চিন্তাশীল কাৰ্য্যৰ বাবেই তেওঁৰ পৰিয়ালে তেওঁক লৈ গৌৰৱ অনুভৱ কৰিছে।
