ৱাশ্বিংটন
ৱাশ্বিংটনত অনুষ্ঠিত হোৱা কোৱাড বৈদেশিক মন্ত্ৰীসকলৰ বৈঠকে ২২ এপ্ৰিলত পহলগামত সংঘটিত সন্ত্ৰাসবাদী আক্ৰমণক সৰ্বসন্মতিক্ৰমে গৰিহণা দিয়ে। এই কোৱাড বৈঠকত অংশগ্ৰহণ কৰা চাৰিখন সদস্য দেশৰ বৈদেশিক মন্ত্ৰীসকলে এই ঘটনাক নিন্দনীয় বুলি আখ্যা দিছে।
কোৱাডৰ বৈদেশিক মন্ত্ৰীসকলৰ যৌথ বিবৃতিত কয় যে, কোৱাডে সীমা অতিক্ৰম কৰা সন্ত্ৰাসবাদকে ধৰি সকলো ধৰণৰ সন্ত্ৰাসবাদ আৰু হিংসাক গৰিহণা দিয়ে। আমি ইয়াক সকলো ৰূপতে গৰিহণা দিছো আৰু সন্ত্ৰাসবাদৰ বিৰুদ্ধে যুঁজ দিয়াত সহযোগ কৰাৰ প্ৰতিশ্ৰুতি প্ৰকাশ কৰিছো। ২০২৫ চনৰ ২২ এপ্ৰিলত জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণক তীব্ৰ গৰিহণা দিছো, য’ত ২৫ জন ভাৰতীয় নাগৰিক আৰু এজন নেপালী নাগৰিক নিহত হোৱাৰ বিপৰীতে বহু আহত হৈছিল।
বিবৃতিটোত কোৱা হৈছে যে, আমি নিহতসকলৰ পৰিয়াললৈ গভীৰ সমবেদনা জ্ঞাপন কৰিছো আৰু সকলো আহতৰ আশু আৰোগ্য কামনা কৰিছো। আমি এই নিন্দনীয় কাণ্ডৰ দোষী, সংগঠক আৰু বিত্তীয় সাহায্যক বিলম্ব নকৰাকৈ ন্যায়ৰ কাঠগঢ়ালৈ আনিবলৈ দাবী জনাইছো আৰু ৰাষ্ট্ৰসংঘৰ সকলো সদস্য ৰাষ্ট্ৰক আন্তঃৰাষ্ট্ৰীয় আইন আৰু সংশ্লিষ্ট ৰাষ্ট্ৰসংঘৰ নিৰাপত্তা পৰিষদৰ সংকল্পৰ অধীনত তেওঁলোকৰ বাধ্যবাধকতা অনুসৰি এই ক্ষেত্ৰত সকলো সংশ্লিষ্ট কৰ্তৃপক্ষৰ সৈতে সক্ৰিয়ভাৱে সহযোগিতা কৰিবলৈ আহ্বান জনাইছো।
কোৱাডৰ বৈদেশিক মন্ত্ৰীসকলৰ যৌথ বিবৃতিত কোৱা হৈছে যে, আমি আমেৰিকাৰ বিদেশ মন্ত্ৰী আৰু অষ্ট্ৰেলিয়া, ভাৰত আৰু জাপানৰ বৈদেশিক মন্ত্ৰীসকলে ১ জুলাইত ৱাশ্বিংটনত বৈঠকত মিলিত হৈছিলো। এই সময়ছোৱাত আমি অধিক মুকলি ভাৰত-প্ৰশান্ত মহাসাগৰীয় অঞ্চলৰ প্ৰতি আমাৰ প্ৰতিশ্ৰুতি প্ৰকাশ কৰিছিলো। আমি আইন, সাৰ্বভৌমত্ব আৰু ভূখণ্ডৰ অখণ্ডতা ৰক্ষাৰ প্ৰতিশ্ৰুতি প্ৰকাশ কৰিছো।
বিবৃতিটোত কোৱা হৈছে যে, ভাৰত প্ৰশান্ত মহাসাগৰীয় চাৰিখন প্ৰধান সামুদ্ৰিক শক্তি হিচাপে আমি বিশ্বাস কৰোঁ যে, সামুদ্ৰিক ডমেইনত শান্তি আৰু স্থিতিশীলতাই অঞ্চলটোৰ নিৰাপত্তা আৰু সমৃদ্ধিৰ ভিত্তি। আমি এনে এটা অঞ্চলৰ প্ৰতি দায়বদ্ধ য’ত সকলো দেশ হেঁচামুক্ত আৰু বলপূৰ্বক বা হেঁচা প্ৰয়োগেৰে যথাৰ্থ অৱস্থা সলনি কৰিব বিচৰা যিকোনো একপক্ষীয় কাৰ্য্যৰ আমি তীব্ৰ বিৰোধিতা কৰোঁ।
যৌথ বিবৃতিটোত কোৱা হৈছে যে, আমি ভাৰত-প্ৰশান্ত মহাসাগৰীয় অঞ্চলৰ সুযোগ আৰু প্ৰত্যাহ্বানসমূহৰ বিষয়ে আলোচনা কৰি শান্তি, নিৰাপত্তা আৰু সমৃদ্ধিৰ প্ৰসাৰৰ বাবে আঞ্চলিক অংশীদাৰসকলৰ সহযোগত কোৱাডৰ শক্তি আৰু সম্পদসমূহ কেনেদৰে ব্যৱহাৰ কৰিব পাৰি সেই বিষয়ে বিবেচনা কৰিলোঁ। কোৱাডৰ দীৰ্ঘম্যাদী প্ৰভাৱ নিশ্চিত কৰিবলৈ আমি আজি এক নতুন অভিলাষী আৰু শক্তিশালী এজেণ্ডা ঘোষণা কৰি সুখী, যিয়ে চাৰিটা ডাঙৰ ক্ষেত্ৰত গুৰুত্ব আৰোপ কৰে।
ইয়াৰ ভিতৰত আছে সামুদ্ৰিক আৰু আন্তঃৰাষ্ট্ৰীয় নিৰাপত্তা, অৰ্থনৈতিক সমৃদ্ধি আৰু নিৰাপত্তা, জটিল আৰু নতুন প্ৰযুক্তি আৰু মানৱীয় সাহায্য আৰু জৰুৰীকালীন সাহায্য। ইয়াৰ অধীনত আমি কোৱাডৰ ক্ষমতা আৰু অধিক বৃদ্ধি কৰিম যাতে আমাৰ সম্পদসমূহ অঞ্চলটোৰ আটাইতকৈ জৰুৰী প্ৰত্যাহ্বানসমূহৰ সৈতে মোকাবিলা কৰিবলৈ ফলপ্ৰসূভাৱে ব্যৱহাৰ কৰিব পৰা যায়।
