গুৱাহাটী
আজিৰে পৰা আৰম্ভ হ'ব ষষ্ঠদশ অসম বিধানসভাৰ বাজেট অধিবেশন। অহা ৩১ জুলাইলৈ চলিবলগীয়া এইবাৰৰ বাজেট অধিবেশনতেই ২০২৬-২৭ বৰ্ষৰ পূৰ্ণাংগ বাজেট দাখিল কৰিব বিত্ত মন্ত্ৰী জয়ন্ত মল্লবৰুৱাই।
এইবাৰৰ বাজেট অধিবেশনত নতুন বিধেয়কৰ পৰিৱৰ্তে ১২খনকৈ সংশোধনী বিধেয়ক উপস্থাপন কৰিব চৰকাৰে। আজি ৬ জুলাইৰ পৰা ৩১ জুলাইলৈকে সৰ্বমুঠ ১৬ দিন চলিব বিধানসভাৰ বাজেট অধিবেশনৰ কাম-কাজ।
উল্লেখযোগ্য যে, আজি উত্থাপন হ’ব আছাম টুৰিজিম ডেভেলপমেণ্ট এক্ট-২০২৪। এই আইনৰ জৰিয়তে হোটেল, হোমষ্টে পঞ্জীয়নত সুবিধা হ’ব। এই অধিৱেশনতে খাৰিজ হ’ব অসম SARI ACT.1867। উত্থাপন হ’ব গুৱাহাটী উপগ্রহীয় মহানগৰ উন্নয়ন প্রাধিকৰণ বিধেয়ক। ইফালে বাজেট অধিবেশনক লৈ সাজু হৈছে বিৰোধী শিবিৰ।
