গুৱাহাটী
কিছুদিনৰ বাবে বন্ধ থাকিব মহানগৰীৰ চানমাৰি উৰণসেতুৰ এটা অংশ। ১৫ দিনৰ পিছত বন্ধ কৰি দিবা হ’ব চানমাৰিৰ পৰা কৰ্মাচ পইণ্টৰ দিশে যোৱা অংশ। জিএনবি উৰণীয়া সেতুৰ সৈতে সংযোগ কৰিবলৈ নিৰ্মাণৰ কাম চলি আছে, যাৰ বাবে ৩০ দিনৰ নিষেধাজ্ঞা ঘোষণা কৰিছে। বিশেষজ্ঞসকলে যাত্ৰীসকলক অনুৰোধ জনোৱা হৈছে যে, তেওঁলোকে অন্য বিকল্প পথেৰে যাতে যাত্ৰা কৰে।
২৪ জানুৱাৰী শনিবাৰে জাৰি কৰা ট্ৰেফিক এডভাইজাৰী অনুসৰি, চানমাৰি উৰণ সেতুত বিকল্প ভিত্তিত লেন-ৱাইজ বন্ধৰ জৰিয়তে যান-বাহনৰ চলাচল নিয়ন্ত্ৰণ কৰা হ’ব। প্ৰতিখন লেন ১৫ দিন বন্ধ থাকিব, যাৰ ফলত মুঠ নিৰ্মাণৰ সময়সীমা ৩০ দিন হ’ব। সীমিত যাতায়তৰ প্ৰবাহৰ অনুমতি দিয়াৰ লগতে নিৰাপদ আৰু নিৰৱচ্ছিন্ন নিৰ্মাণৰ সুবিধা প্ৰদানৰ লক্ষ্যৰে এই ব্যৱস্থা গ্ৰহণ কৰা হৈছে।
যাতায়তৰ সুবিধা সহজ কৰি তুলিবলৈ যান-বাহন আৰক্ষীয়ে যাতায়তৰ দিশৰ ওপৰত নিৰ্ভৰ কৰি বিকল্প পথ চিনাক্ত কৰিছে।
যাতায়তৰ বাবে বিকল্প পথ চিৰিয়াখানা পথৰ ফালৰ পৰা অহা বাহনৰ বাবে:
যাতায়তকাৰীয়ে অপূৰ্ব সিনহা পথ হৈ ৰাজগড় পথৰ দিশে আগবাঢ়িব পাৰে বা পোনপটীয়াকৈ ৰাজগড় পথত প্ৰৱেশ কৰিব পাৰে।
ৰাজগড় পথৰ পৰা দক্ষিণ শৰণীয়া ৰোড হৈ জি এছ ৰোড আৰু বি বৰুৱা ৰোডেৰে যাব পাৰে,ইফালে জি এন বি ৰোডেৰেও ওলাব পাৰে।
চানমাৰিৰ ফালৰ পৰা অহা বাহনৰ বাবে:
এম আৰ ডি ৰোড হৈ বামুণীমৈদাম অভিমুখে যাব পাৰে বাহন।
এম আৰ ডি ৰোডৰ পৰা যাতায়তকাৰীয়ে ৰে’লৱে কলনি ৰোডৰ জৰিয়তে হাতীগড় চাৰিআলি অভিমুখে যাব পাৰে বা নুনমাটি–মথঘৰীয়া পথ বাছি ল’ব পাৰে।
চানমাৰিত যান-জঁটৰ পৰা বাচিবলৈ চিটি বাছক কঠোৰ নিৰ্দেশনা দিছে।
বাছ পৰিচালকসকলক লেন অনুশাসন বজাই ৰাখিবলৈ, কেৱল বাওঁফালৰ লেনতহে চলাবলৈ আৰু অভাৰটেকিং কঠোৰভাৱে এৰাই চলিবলৈ নিৰ্দেশ দিয়া হৈছে।
যাতায়ত কৰ্তৃপক্ষই যাতায়তকাৰীসকলক আগতীয়াকৈ যাত্ৰাৰ পৰিকল্পনা কৰিবলৈ, ডাইভাৰচন অনুসৰণ কৰিবলৈ, আৰু নিৰ্মাণ পৰ্যায়ত যাতায়ত ব্যৱস্থাপনা মসৃণ কৰিবলৈ কৰ্মীৰ সৈতে সহযোগিতা কৰিবলৈ আহ্বান জনাইছে।
