আৱাজ দ্য ভইচ / নতুন দিল্লী
পাটিয়ালা নিবাসী আৰু পেছাত এজন অধিবক্তা গুৰপ্রীত সিং গিলে দীঘলীয়া দূৰত্বৰ চাইক্লিঙৰ জগতত এক ঐতিহাসিক স্থান দখল কৰিছে। তেওঁ উত্তৰ ভাৰতৰ প্ৰথম আৰু সমগ্ৰ দেশৰ মাত্ৰ তৃতীয়জন চাইক্লিষ্ট, যিয়ে আন্তঃৰাষ্ট্ৰীয় ছুপাৰ ৰেডনাৰ (আইএছআৰ) খিতাপ দখল কৰিবলৈ সক্ষম হৈছে।
এই সন্মান তেওঁ ৪০ সংখ্যক এছ আৰ ছিৰিজ সম্পূৰ্ণ কৰাৰ পিছত লাভ কৰে আৰু ই তেওঁক ভাৰতৰ সবাতোকৈ সফল দৈৰ্ঘ্য দূৰত্বৰ চাইক্লিষ্টৰ তালিকাৰ শীৰ্ষ স্থানলৈ লৈ যায়।
উল্লেখ্য যে, ৪৫ বছৰীয়া গুৰপ্ৰীত সিং গিল পাটিয়ালা ক'ৰ্টত উকীল হিচাপে কৰ্মৰত যদিও তেওঁৰ প্ৰকৃত পৰিচয় হৈছে এজন উৎসাহী ইনডুৰেন্স চাইক্লিষ্ট (endurance cyclist) হিচাপে। এবাৰ ৩৭ বছৰ বয়সত তেওঁ ওজন হ্ৰাস কৰাৰ উদ্দেশ্যে চাইকেল চলাবলৈ আৰম্ভ কৰিছিল, আৰু এই অভ্যাস দ্ৰুতগতিত তেওঁৰ আবেগলৈ ৰূপান্তৰিত হয়।
গিলৰ মতে, "মই স্কুলত শ্ৰেষ্ঠ এথলীট আৰু বক্সাৰ আছিলো, কিন্তু ৰাষ্ট্ৰীয় পৰ্যায়ত প্ৰৱেশ কৰিব নোৱাৰিলো। প্ৰায় ২০ বছৰ পিছত, মানে ৩৭ বছৰ বয়সত মই নিজকে পুনৰ প্ৰতিষ্ঠা কৰিলো। মই প্ৰতিদিনে পুৱা ৪ বজাত উঠো আৰু তেতিয়াৰ পৰা আজিলৈকে মই এটাও বিৰতি লোৱা নাই। মোৰ পত্নীয়ে সদায়েই মোক সমৰ্থন কৰি আহিছে, আমাৰ সন্তানৰ সম্পূৰ্ণ যত্ন লৈছে যাতে মই মোৰ লক্ষ্যত মনোনিবেশ কৰিব পাৰোঁ। মই সদায় প্ৰাকৃতিক খাদ্যৰ ওপৰত বিশ্বাস কৰি আহিছো।"
গুৰপ্ৰীত সিং গিল
গিলৰ মতে, "মই প্ৰমাণ কৰিব বিচাৰো যে যদি আৱেগ সত্য হয়, বয়স কেতিয়াও বাধা হ'ব নোৱাৰে। বিগত বৰ্ষত তেওঁ বিশ্বৰ আটাইতকৈ কঠিন অশ্বচালনা কৃতিত্বৰ ভিতৰত এটা ৰানডনৰ্ছ ১০,০০০ পদকৰ বাবে যোগ্যতা অৰ্জন কৰিছিল। এই খিতাপৰ বাবে তেওঁ চাৰি বছৰৰ ভিতৰত দুবাৰকৈ ২০০, ৩০০, ৪০০, ৬০০, ১০০০ আৰু ১২০০ কিলোমিটাৰৰ অতিশয় প্ৰত্যাহ্বানমূলক ৰাইড সম্পূৰ্ণ কৰিব লাগিব, লগতে ৮০০০ মিটাৰ উচ্চতাৰ ৬০০ কিলোমিটাৰ ৰাইড আৰু ২৪ ঘন্টাৰ ভিতৰত ৩৬০ কিলোমিটাৰ ফ্লেচ ৰাইড কৰিব লাগিব।"
উল্লেখ্য যে, গিলে দুবাৰ ১২০০ কিমি আৰু দুবাৰ ১০০০ কিমিৰ এল আৰ এম ৰাইড (LRM ride) সম্পূৰ্ণ কৰিবলৈ সক্ষম হৈছে। তেওঁৰ অন্যান্য কৃতিত্বসমূহে হৈছেঃ দিল্লীৰ পৰা মুম্বাইলৈ (জি২জি) টেডাম ৰাইড ভাৰতত প্ৰথমবাৰ সম্পূৰ্ণ কৰা; মানালিৰ পৰা লেহলৈ ৰাইড মাত্ৰ তিনি দিনত সম্পূৰ্ণ কৰে; পেৰিছ-ব্ৰেষ্ট-পেৰিছ (পিবিপি) ৰ দৰে বিশ্ব বিখ্যাত ১২৪০ কিমি ৰাইডত দুবাৰ অংশ লয় (যাক চাইক্লিংৰ মিনি অলিম্পিক বোলা হয়)।
তেওঁ ১৭৫+ ব্ৰাভেটছ আৰু ৩০ মাৰাথন দৌৰ সম্পূৰ্ণ কৰিছে। প্ৰথম ভাৰতীয় হিচাপে তেওঁ দিল্লীৰ পৰা কাঠমাণ্ডু (C2C) টডম ৰাইড সম্পূৰ্ণ কৰিছে।
টেডম বাইক হ'ল এক বিশেষ ধৰণৰ চাইকেল যি দুজন বা ততোধিক লোকে একেলগে চলাব পাৰে। ইয়াৰ পিছফালে এখন আসন আৰু পেডেল থাকে। গুৰপ্রীত গিলৰ এই অনন্য চাইকেল চালনা শৈলীয়ে দেশত টেডাম বাইক চালনাৰ এক নতুন পৰিচয় দাঙি ধৰিছে। গুৰপ্রীত সিং গিলৰ এই কাহিনী কেৱল প্রেৰণাদায়ক নহয়, ই প্রমাণ কৰে যে ইচ্ছা শক্তি থাকিলে কোনো লক্ষ্যই দূৰ নহয়। এজন অধিবক্তাৰ পৰা এজন চাইকেল আৰোহীলৈ ৰূপান্তৰিত হোৱা এই ব্যক্তিজন এতিয়া ভাৰতৰ চাইকেল যাত্ৰাৰ মানচিত্ৰত এক উজ্জ্বল নক্ষত্ৰ হৈ পৰিছে।
