শিক্ষাজীৱনত এই কৃতিত্ব অৰ্জন কৰাৰ পিছত মহচিনাই শিক্ষকতাৰ ক্ষেত্ৰতো নিজকে প্ৰতিষ্ঠা কৰে। বৰ্তমান তেওঁ আজমল আইন মহাবিদ্যালয়ৰ সহকাৰী অধ্যাপিকা হিচাপে দায়িত্ব পালন কৰি আছে।
শিক্ষা আৰু শিক্ষকতাৰ ক্ষেত্ৰত সফলতাৰ পিছত মহচিনাৰ লক্ষ্য আছিল ন্যায়িক সেৱাত প্ৰৱেশ কৰা। অসম ন্যায়িক সেৱা পৰীক্ষাত সফলতা অৰ্জন কৰি তেওঁ সেই লক্ষ্য পূৰণ কৰে।
মহচিনা ইমতিয়াজ লস্কৰ ছাত্ৰীসকলৰ সৈতে
প্ৰথম শ্ৰেণীৰ ন্যায়িক দণ্ডাধীশ হিচাপে উত্তীৰ্ণ হোৱাটো মহচিনাৰ কেৰিয়াৰৰ এক গুৰুত্বপূৰ্ণ সাফল্য। আইন শিক্ষাৰ পৰা আৰম্ভ কৰি উচ্চশিক্ষাত কৃতিত্ব, তাৰ পিছত অধ্যাপনা আৰু অৱশেষত ন্যায়িক সেৱাত প্ৰৱেশ- এই ধাৰাবাহিকতাই তেওঁৰ কেৰিয়াৰ যাত্ৰাক বিশেষ তাৎপৰ্য প্ৰদান কৰিছে।
মহচিনাৰ এই সাফল্যৰ খবৰ বিয়পি পৰাৰ পিছত আজমল পৰিয়ালৰ লগতে আজমল শিক্ষানুষ্ঠানৰ বিষয়া-কৰ্মচাৰী, শিক্ষক-শিক্ষয়িত্ৰী আৰু ছাত্ৰ-ছাত্ৰীসকলৰ মাজত আনন্দৰ পৰিৱেশ সৃষ্টি হয়।
এই সফলতাক কেন্দ্ৰ কৰি বৃহস্পতিবাৰে বিয়লি আজমল আইন মহাবিদ্যালয়ৰ প্ৰাংগণত এক বিশেষ সম্বৰ্ধনা অনুষ্ঠান অনুষ্ঠিত হয়। সম্বৰ্ধনা অনুষ্ঠানৰ পূৰ্বে আজমল আইন মহাবিদ্যালয়ৰ ছাত্ৰ-ছাত্ৰীসকলে এক শোভাযাত্ৰাৰ জৰিয়তে মহচিনা ইমতিয়াজ লস্কৰক মহাবিদ্যালয়লৈ আদৰি আনে। প্ৰাক্তন ছাত্ৰী আৰু বৰ্তমানৰ সহকাৰী অধ্যাপিকাগৰাকীয়ে ন্যায়িক সেৱা পৰীক্ষাত সফলতা লাভ কৰাৰ পিছত নিজৰ শিক্ষানুষ্ঠানলৈ উভতি অহাৰ এই মুহূৰ্তটো ছাত্ৰ-ছাত্ৰীসকলৰ বাবে বিশেষ আনন্দৰ বিষয় হৈ পৰে।
ইয়াৰ পিছতে মহাবিদ্যালয়ৰ প্ৰাংগণত অনুষ্ঠিত হয় মূল সম্বৰ্ধনা সভা। মহচিনাক মহাবিদ্যালয় কৰ্তৃপক্ষৰ তৰফৰ পৰা সম্বৰ্ধনা জনোৱা হয়।
মহচিনা ইমতিয়াজ লস্কৰে এক অনুষ্ঠানত ভাষণ প্ৰদান কৰাৰ এক দৃশ্য
