মহম্মদ ছিৰাজঃ তাৰকাৰ পৰা মহাতাৰকাৰলৈ উন্নীত হোৱাৰ যাত্ৰা...

Story by atv | Posted by [email protected] • 12 h ago

ইংলেণ্ডৰ বিৰুদ্ধে দ্য অভেলত ৫ উইকেট দখলেৰে ভাৰতৰ জয় নিশ্চিত কৰাৰ পিছত মহম্মদ ছিৰাজৰ প্ৰতিক্ৰিয়া

আৱাজ দ্য ভইচ অসম ব্যুৰ'

দ্য অভেলৰ 'মিঞা মেজিক'-এ ক্ৰিকেট প্ৰেমীক এতিয়াও আচ্ছন্ন কৰি ৰাখিছে। সোমবাৰে ভাৰতে পঞ্চম তথা অন্তিম টেষ্টত ইংলেণ্ডক ঘৰৰ মাটিত পৰাস্ত কৰি ঐতিহাসিক জয় সাব্যস্ত কৰাত মুখ্য ভূমিকা গ্ৰহণৰ পিছত মহম্মদ ছিৰাজ তাৰকাৰ পৰা মহাতাৰকাৰ শাৰীলৈ উন্নীত হৈছে। তীব্ৰ গতি, বাউন্স, চমকপ্ৰদ ইন ছুইং, আউট ছুইঙেৰে প্ৰতিপক্ষক দিশহাৰা কৰা হায়দৰাবাদৰ বেগী বলাৰগৰাকীৰ এই সফলতাৰ যাত্ৰা কিন্তু তেনেই সহজ নাছিল।

যেতিয়াই খেলপথাৰত মহম্মদ ছিৰাজ ব্যৰ্থ হৈছিল তেতিয়াই সমালোচকে তেওঁক কৈছিল, "দেউতাৰ দৰে তুমিও অটো চলাবলৈ ঘৰলৈ উভতি যোৱা।" কিন্তু এই সমালোচনা আৰু কটুক্তিয়ে ছিৰাজৰ মনোবল কেতিয়াও ভংগ কৰা নাছিল। কাৰণ তেওঁক তুচ্ছজ্ঞান কৰা সেই কটুক্তিবোৰে ছিৰাজক নিজৰ আটাইতকৈ ডাঙৰ শক্তিৰ কথা মনত পেলাই দিছিল। শেহতীয়াকৈ ইনষ্টাগ্ৰামত ছিৰাজে শ্বেয়াৰ কৰিছিল, "মোৰ দেউতাই কৰা কাম মোৰ বাবে অপমানজনক নহয়, বৰং এয়া মোৰ শক্তি। তেওঁ মোক কঠোৰ পৰিশ্ৰমৰ প্ৰকৃত অৰ্থ শিকাইছিল।”

𝘽. 𝙀. 𝙇. 𝙄. 𝙀. 𝙑. 𝙀 pic.twitter.com/ClrCat7IMJ
— Mohammed Siraj (@mdsirajofficial) August 4, 2025

দীঘলীয়া ক্লান্তিকৰ অনুশীলনৰ পিছত মাইলৰ পিছত মাইল খোজ কাঢ়ি ঘৰলৈ যোৱা দিনবোৰো ছিৰাজৰ মনত আছে। সেই দিনবোৰত কোনেও তেওঁৰ সামৰ্থ আৰু দক্ষতাৰ ওপৰত বিশ্বাস কৰা নাছিল। আনে খেলি থকাৰ সময়ত তেওঁ বেঞ্চত বহি আছিল। কিন্তু এই সকলোবোৰৰ মাজতো তেওঁ কেতিয়াও হাৰ মনা নাছিল।

“অনুশীলনৰ পৰা ঘৰলৈ খোজ কাঢ়ি যোৱা সেই সকলোবোৰ দিনে মোক ভোক কি শিকাইছিল। যেতিয়াই মানুহে মোক আওকাণ কৰিছিল, তেতিয়াই মই অধিক কষ্ট কৰিছিলোঁ।”-টীম ইণ্ডিয়াৰ বেগী বলাৰগৰাকীয়ে কয়।

185.3 overs - 'Not a problem when you're playing for the country'

Mohammed Siraj 🙌 #ENGvIND pic.twitter.com/pZ13PT57kE
— ESPNcricinfo (@ESPNcricinfo) August 4, 2025

এই সংগ্ৰাম আৰু কষ্টৰ অন্তত আজি মহম্মদ ছিৰাজ ভাৰতৰ অন্যতম নিৰ্ভৰযোগ্য বেগী বলাৰ হৈ পৰিছে। কিন্তু তেওঁ পাহৰা নাই যে এই সকলোবোৰ আৰম্ভ হৈছিল হায়দৰাবাদত অটো চলাই পুত্ৰক ডাঙৰ সপোন দেখিবলৈ সাহস দিয়া এগৰাকী ইতিবাচক চিন্তাৰ পিতৃৰ পৰা৷ জীৱনৰ আৰম্ভণি দিনৰ এখন আৱেগিক ফটো শ্বেয়াৰ কৰি ছিৰাজে কয়, “মই পিন্ধি থকা ভাৰতীয় দলৰ কেপটোৱে এই কথাৰ প্ৰমাণ দাঙি ধৰিছে যে আপুনি অটো ড্ৰাইভাৰৰ পুত্ৰই হওক বা চফ্টৱেৰ ইঞ্জিনিয়াৰৰ পুত্ৰই হওক, কঠোৰ পৰিশ্ৰমেই সফলতাৰ মূলমন্ত্ৰ।”

Cristiano Ronaldo & BELIEVE — the inspiration for Mohammed Siraj 🐐#Ronaldo #Siraj #Cricket #Football pic.twitter.com/bW2IE5Ug5c
— Sportskeeda (@Sportskeeda) August 4, 2025

কঠোৰ পৰিশ্ৰমত বিশ্বাসী মহম্মদ ছিৰাজে কঠোৰ পৰিশ্ৰম, অগাধ বিশ্বাস, একাগ্ৰতা আৰু সফলতা অৰ্জনৰ দুৰ্বাৰ হাবিয়াসক সাৰথি কৰিয়ে সোমবাৰে ইংলেণ্ডৰ মাটিত ভাৰতৰ স্মৰণীয় জয়ৰ বীৰগাথা ৰচে। জছপ্ৰীত বুমৰাহৰ দৰে তাৰকা বেগী বলাৰৰ অনুপস্থিতিত ভাৰতৰ বলিং শক্তিৰ নেতৃত্ব দিয়া ছিৰাজে প্ৰথম ইনিংছত ৪টা আৰু দ্বিতীয় ইনিংছত ৫টা উইকেট দখল কৰি ভাৰতীয় দলক টেষ্ট ক্ৰিকেটৰ ইতিহাসৰ অন্যতম ৰোমাঞ্চকৰ জয়ৰ সোৱাদ দিয়ে।