ভাৰত-আৰৱ বৈদেশিক মন্ত্ৰীৰ বৈঠকত অংশগ্ৰহণৰ বাবে নতুন দিল্লীত উপস্থিত লিবিয়াৰ বিদেশ মন্ত্ৰী
নতুন দিল্লী
লিবিয়াৰ বৈদেশিক মন্ত্ৰী এলটাহেৰ এছ.এম. এলবাওৰ শুকুৰবাৰে প্ৰথমবাৰৰ বাবে ভাৰতত উপস্থিত হয়। তেওঁ নতুন দিল্লীত অনুষ্ঠিত হ’বলগীয়া ভাৰত-আৰৱ বৈদেশিক মন্ত্ৰীৰ বৈঠক (IAFMM)ত অংশ ল’ব আৰু ভাৰতৰ সৈতে দ্বিপাক্ষিক আলোচনাত মিলিত হ’ব। বৈদেশিক পৰিক্ৰমা মন্ত্ৰ্যালয়ৰ মুখপাত্ৰ ৰণধীৰ জয়ছোৱালে জনোৱা মতে, এই ভ্ৰমণে দুয়োখন দেশৰ সম্পৰ্ক অধিক শক্তিশালী কৰিব।
উল্লেখ্য যে ১০ বছৰৰ বিৰতিৰ পাছত ভাৰতে প্ৰথমবাৰৰ বাবে নতুন দিল্লীত এই সন্মিলন আয়োজন কৰিছে। ইয়াৰ পূৰ্বে ২০১৬ চনত বাহৰেইনত প্ৰথমখন বৈঠক অনুষ্ঠিত হৈছিল।
শনিবাৰে অনুষ্ঠিত হ’বলগীয়া এই বৈঠকত আৰৱ লীগৰ ২২খন দেশৰ প্ৰতিনিধি আৰু ইয়াৰ সচিব প্ৰধানে অংশ ল’ব। ভাৰত আৰু সংযুক্ত আৰৱ আমিৰশ্বাহে (UAE) যুটীয়াভাৱে ইয়াত পৌৰোহিত্য কৰিব।
অৰ্থনীতি, শক্তি, শিক্ষা আৰু নিৰাপত্তাৰ দৰে বিষয়ত ভাৰত আৰু আৰৱ দেশসমূহৰ মাজত সহযোগিতা বৃদ্ধি কৰাই এই বৈঠকৰ মূল লক্ষ্য।
১৯৬৯ চনৰ পৰাই ভাৰত আৰু লিবিয়াৰ মাজত সু-সম্পৰ্ক আছে। বিশেষকৈ তেল, গেছ আৰু আন্তঃগাঁথনি নিৰ্মাণত BHEL আৰু ONGC-ৰ দৰে ভাৰতীয় কোম্পানীসমূহ লিবিয়াত সক্ৰিয় হৈ আছে।
প্ৰায় দুই দশক ধৰি চলি থকা ভাৰত আৰু আৰৱ লীগৰ এই অংশীদাৰিত্বই এই বৈঠকৰ জৰিয়তে এক নতুন মাত্ৰা লাভ কৰিব বুলি আশা কৰা হৈছে।
